అదే భారత్‌ బలహీనత:మోడీపై రాహుల్ సెటైర్

ప్రధానమంత్రి నరేంద్రమోడీపై సెటైర్ వేశారు కాంగ్రెస్ పార్టీ ఉపాధ్యక్షుడు రాహుల్ గాంధీ. ట్విట్టర్ వేదికగా ఓ వీడియోని సోషల్ మీడియాలో పోస్టు చేసిన రాహుల్… ప్ర‌ధాని న‌రేంద్ర మోడీ ఫేక్‌ స్ట్రాంగ్ మ్యాన్ ఇమేజ్ భారత్‌ అతిపెద్ద బలహీనత‌గా మారిందంటూ మండిప‌డ్డారు.

చైనా ఇప్పటికీ భారతదేశ భూభాగాన్ని ఆక్రమించిందని…ఇది కేవలం సరిహద్దు సమస్య కాదని దీని గురించి వ్యూహాత్మకంగా ఆలోచించకుంటే నష్టపోతామని తెలిపారు.

చైనా త‌న వ్యూహాల‌తో గాల్వన్ అయినా, అది డెమ్‌చోక్ అయినా లేదా పాంగోంగ్ సరస్సు అయినా నిలబెట్టుకోవాలనే ఆలోచనలో ఉందని పేర్కొన్నారు. నరేంద్ర మోదీ సమర్థవంతమైన రాజకీయ నేత కారని…ఇప్ప‌టికైనా ఆయన తన ఆలోచనను మార్చుకోవాలన్నారు.