దేశంలో 24 గంటల్లో 22 వేల కరోనా కేసులు…

దేశంలో కరోనా కేసుల సంఖ్య రోజురోజుకి 20 వేలకి పైగా నమోదవుతున్నాయి. గత 24 గంటల్లో రికార్డు స్ధాయిలో 22771 పాజిటివ్ కేసులు నమోదుకాగా మహారాష్ట్ర, తమిళనాడులో లక్షకుపైగా కేసులు నమోదయ్యాయి.

ఇప్పటివరకు దేశంలో కరోనా కేసుల సంఖ్య 6,48,315కు చేరగా 2,35,433 యాక్టివ్‌ కేసులు ఉన్నాయి. కరోనా మహమ్మారి నుండి 3,94,227 మంది కోలుకుని డిశ్చార్జ్ అయ్యారు. గత 24 గంటల్లో కరోనాతో 442 మంది మృతిచెందగా ఇప్పటివరకు 18,655 మంది మృత్యువాతపడ్డారు.

దేశంలో జూలై 3వ తేదీ వరకు 95,40,132 మందికి కరోనా పరీక్షలు నిర్వహించామని, నిన్న ఒకేరోజు 2,42,383 నమూనాలను పరీక్షించామని ఐసీఎమ్మార్‌ తెలిపింది.