అరుదైన ఫోటో షేర్‌ చేసిన ఆర్జీవీ..!

వివాదాల దర్శకుడు రామ్ గోపాల్ వర్మ ఒకప్పుడు శివ సినిమా తీసి సంచలనం సృష్టించారు. నాగార్జున హీరోగా తెరకెక్కిన ఈ చిత్రం అప్పట్లో భారీ విజయాన్ని అందుకుంది. అయితే వర్మ ‘శివ’ షూటింగ్‌ నాటి ఓ అరుదైన ఫొటోను పోస్ట్ చేశారు. ఆ సినిమాతో దర్శకుడిగా వర్మకు ఎంతటి పేరు వచ్చిందో ప్రత్యేకంగా చెప్పక్కర్లేదు. నాగార్జున కెరీర్‌లో ప్రేక్షకులు మర్చిపోలేని సినిమాగా ఈ సినిమా నిలిచిపోయింది.

ఆ సినిమా అనుభవాలను గుర్తు చేసుకుంటూ వర్మ ఈ పోస్టర్‌ను పోస్ట్ చేశారు. షూటింగ్ సమయంలో విలన్ రఘువరన్‌కు ఓ సన్నివేశాన్ని వర్మ వివరిస్తున్నారు. ఆ సమయంలో ఈ ఫొటోను తీశారు. ఈ సినిమాలో విలన్ భవానీ పాత్రలో రఘువరన్ నటించిన తీరు ప్రేక్షకులను బాగా అలరించింది. ఈ ఫోటోలో మరో ప్రముఖ దర్శకుడు గుణశేఖర్‌ కూడా ఉన్నాడు. వర్మ వెనకాల కళ్లజోడు పెడుకొని అమయాకంగా నిలుచ్చున్నాడు.