బంపర్ ఆఫర్‌ కొట్టేసిన ఈషా రెబ్బా..!

అంతకు ముందు ఆ తరువాత సినిమాతో టాలీవుడ్‌లో అడుగుపెట్టిన బ్యూటీ ఈషా రెబ్బా. గత సంవత్సరంలో అమీతుమీ, దర్శకుడు,అ! , బ్రాండు బాబు సినిమాలతో మెప్పించిన ఈ బ్యూటీ తర్వాత అరవింద సమేతలో నటించి మంచి మార్కులు కొట్టేసింది.

అయితే తెలుగులో తన నటనతో మెప్పించిన అవకాశాలు మాత్రం రావడం లేదు ఈ బ్యూటీకి. అయితే టీ టౌన్‌లో తాజాగా ఓ ఆసక్తికర వార్త చక్కర్లు కొడుతోంది. బాలీవుడ్‌ నుంచి ఈషాకు బంపర్ ఛాన్స్ వచ్చిందని టాక్.

బాలీవుడ్ నటి సోనమ్ కపూర్ సోదరుడైన హర్షవర్ధన్ కపూర్‌కు జోడీగా ఓ సినిమాలో నటించబోతున్నారట. రాజ్ సింగ్ చౌదరి ఈ మూవీకి దర్శకత్వం వహిస్తుండగా ఇందుకుసంబంధించిన అఫిషియల్ అనౌన్స్‌మెంట్ రావాల్సి ఉంది. మహిళా సాధికారత నేపథ్యంలో ఈ సినిమా తెరకెక్కనుందట. ప్రస్తుతం తమిళం, కన్నడ సినిమాలు చేస్తోంది ఈషా.