అప్పుడు కబాలీ…ఇప్పుడు దర్బార్

సూపర్ స్టార్ రజనీ కాంత్ హీరోగా పా రంజిత్ దర్శకత్వంలో తెరకెక్కిన చిత్రం కబాలి అందరికి గుర్తుండే ఉంటుంది. ఇక ఈ సినిమా విడుదల సమయంలో కబాలి ఫీవర్ తో యావత్ దేశం రజనీ మేనియాతో ఉగిపోయింది.అంతేగాదు సాఫ్ట్ వేర్ కంపెనీలకు ఏకంగా సెలవులు ప్రకటించగా ఎయిర్ ఏషియా ఒకడుగు ముందుకేసి కబాలి పోస్టర్‌తో ప్రయాణీకులకు ఆకట్టుకుంది.

తాజాగా రజనీ నటించిన దర్బార్‌కు అదే స్ధాయిలో పబ్లిసిటీ తీసుకొచ్చేందుకు నిర్మాతలు అన్ని ప్రయత్నాలు చేస్తున్నారు. తాజాగా దర్బార్ కోసం బ‌స్సులు, రైళ్ళే కాదు ఫ్లైట్ల‌ను కూడా వాడుతున్నారు. దర్బార్ పోస్టర్స్‌ విమానాలపై దర్శనమివ్వగా ఫ్యాన్స్ పండగ చేసుకుంటున్నారు.

మురుగ‌దాస్ ద‌ర్శ‌క‌త్వంలో తెరకెక్కిన ఈ సినిమా సంక్రాంతి సందర్భంగా జ‌న‌వ‌రి 9న ప్రేక్షకుల ముందుకురానుంది. సునీల్ శెట్టి, నివేదా ధామస్ కీలక పాత్రల్లో కనిపించగా రజనీకాంత్ ను పోలీస్ ఆఫీసర్ గా కనిపించనున్నాడు.