స్టార్ హీరో కింగ్ నాగార్జున. యంగ్ జనరేషన్ తో పోటిపడి నిలబడేందుకు ప్రయోగాత్మక చిత్రాలను ఎంచుకున్న నాగార్జున వరుస సక్సెస్ లతో దూసుకుపోతున్నాడు.ప్రస్తుతం రాఘవేంద్రరావు దర్శకత్వంలో మరో భక్తిరస చిత్రం ‘ఓం నమోవేంకటేశాయ’లో నటిస్తున్నాడు. ఈ సినిమా త్వరలో రిలీజ్ కు రెడీ అవుతుండగా, ఇప్పుడు మరో ఇంట్రస్టింగ్ సినిమాకు ఓకె చెప్పాడు నాగ్. ఓంకార్ దర్శకత్వంలో తెరకెక్కిన రాజుగారి గది సినిమా పెద్ద హిట్ సాధించిన సంగతి తెలిసిందే. దీంతో ఈ సినిమాకు సిక్వెల్‌గా రాజుగారి గది 2 తెరకెక్కనుంది. పీవీపీ సంస్థ భారీగా నిర్మిస్తున్న ఈ సినిమాలో కింగ్ నాగార్జున కీలక పాత్రలో నటించనున్నాడు. తెర మీద కనిపించేది కొద్దిసేపే అయినా నాగ్ పాత్రే సినిమాకు కీలకం అన్న టాక్ వినిపిస్తోంది.
ఇప్పటికే ఈ సినిమాకు సంబంధించిన పనులు శరవేగంగా జరుగుతున్నాయి. తాజాగా రాజుగారి గది సిక్వెల్‌లోకి రన్ రాజా రన్ హీరోయిన్ ఎంటరైంది. రన్ రాజా రన్‌తో టాలీవుడ్‌లోకి ఎంటరైన సీరత్ కపూర్‌…తర్వాత సందీప్ కిషన్ తో ‘టైగర్’సినిమాలో నటించింది. అయితే, ఈ సినిమా బాక్సాఫీసు వద్ద బోళ్తా పడటంతో తిరిగి ముంబై వెళ్లిన ఈ భామ…యాడ్ ఫిల్మ్స్ చేసుకుంటోంది. అయితే,సీరత్‌కి కింగ్ నాగార్జున రూపంలో మరో అవకాశం లభించింది. సీరత్ ని తన గదిలోకి రమ్మని నాగార్జున షాక్‌ ఇచ్చాడట.
దీంతో ఈ అమ్మడు ఆనందానికి అవధుల్లేకుండా పోయాయట. మరోసారి టాలీవుడ్‌లో కలిసివచ్చిన అవకాశాన్ని సద్వినియోగం చేసుకునేందుకు ఈ అమ్మడు సిద్ధమవుతుందట. ఇక ఈ సినిమాలో నాగార్జున మోడ్రన్ మాంత్రికుడిగా కనిపించనున్నాడట. ‘టైగర్’ ఫ్లాప్‌తో ఆఫర్లు లేక ముంబై వెళ్ళిపోయిన సీరత్‌కి ఇది నిజంగా బంపర్ ఆఫర్ వంటిదేనని టాలీవుడ్ వర్గాలు గుసగుసలాడుకుంటున్నాయి. మరి ఈ సినిమాతోనైనా సీరత్….టాలీవుడ్‌లో నిలదొక్కుకుంటుందో లేదో చూడాలి.
