దేశంలోనే అత్యధిక బడ్జెట్‌తో.. నిర్మిస్తున్న మూవీ ‘2.0’. ఈ మూవీ టీజర్ గురించి ఫ్యాన్స్‌ ఎంతగా ఎదురుచూస్తున్నారో వేరే చెప్పక్కర్లేదు. అయితే కొన్ని వారాల క్రితమే ఈ సినిమా పాటలు విడుదలైనా.. టీజర్ మాత్రం రిలీజ్ కాలేదు.
తాజాగా ఈ టీజర్ లీకయిందంటూ వార్తలు హల్చల్‌ చేసిన విషయం తెలిసిందే. రూ.400 కోట్లతో నిర్మిస్తున్న ఈ సినిమాకు శంకర్ దర్శకత్వం వహిస్తున్నారు. ఇంత భారీ బడ్జెట్ సినిమాపై రోజురోజుకు అంచనాలు పెరుగుతున్న సమయంలో ఇలాంటి లీకులు రావడం నిజంగా బాధాకరం.
అయితే తాజాగా ఈ చిత్రానికి సంబంధించిన విఎఫ్‌ఎక్స్ మేకింగ్ వీడియోని దర్శకుడు శంకర్ విడుదల చేశారు. ఈ వీడియోలో ఈ సినిమాలో ఉపయోగించిన విఎఫ్‌ఎక్స్ గురించి వివరణ ఇస్తూ.. కొన్ని మేకింగ్ సీన్స్ చూపించారు.
ఆ సీన్స్ చూస్తుంటే.. మరో ప్రపంచంలోకి వెళుతున్నామా..? అనే భావన కలుగుతుంది. మరి విఎఫ్‌ఎక్స్ మేకింగే ఇలా ఉంటే.. ఇక సినిమా ఎలా ఉండబోతుందో..? అనే ఆశ్చర్యం కలుగుతుంది. మొత్తానికి సూపర్ స్టార్ రజినీకాంత్, యాక్షన్ స్టార్ అక్షయ్ కుమార్ కాంబినేషన్‌లో తొలిసారి వస్తున్న ఈ సినిమాపై భారీ అంచనాలున్నాయి.
https://www.youtube.com/watch?v=f9yLsOnzpZk
