వైఎస్‌ షర్మిల..ప్రజాప్రస్థానం షురూ

వైఎస్ షర్మిల ప్రజాప్రస్థానం పాదయాత్ర నేటి నుండి తిరిగి ప్రారంభం కానుంది. నల్లగొండ జిల్లా కొండపాకగూడెం నుంచి పాదయాత్రలో 21వ రోజున ఆగిపోయిన గ్రామం నుంచే పాదయాత్ర తిరిగి మొదలు కానుంది.

ఇవాళ ఉదయం 11:30 గంటలకు లోటస్ పాండ్ లోని పార్టీ కార్యాలయం నుంచి వైయస్ షర్మిల పాదయాత్రకు బయలు దేరుతారు. మధ్యాహ్నం 3.30గంటలకు కొండపాకగూడెం గ్రామానికి చేరుకుని స్థానికులతో మాట్లాడి వారి సమస్యలు తెలుసుకుంటారు.

సాయంత్రం 4.15గంటలకు చిన్న నారాయణపురం, 5.00 గంటలకు నార్కెట్ పల్లి చేరుకుంటారు. నార్కెట్ పల్లిలో పబ్లిక్ మీటింగ్ నిర్వహించి, ప్రజలనుద్దేశించి ప్రసంగిస్తారు. సాయంత్రం 6.15 గంటలకు మడ ఎడవెల్లి గ్రామానికి చేరుకుంటారు. ఆ తర్వాత 6.45 గంటలకు పోతినేనిపల్లి క్రాస్ కు చేరుకుని అక్కడ ప్రజలతో మాట్లాడతారు.