ఏపీ రాజకీయాలు ఇప్పుడు థియేటర్లలోకి వచ్చాయి. జగన్ ‘యాత్ర’ సినిమాకు పోటీగా పవన్ కళ్యాణ్ సినిమా రీ రిలీజ్ అవుతోంది. పూరి జగన్నాథ్ తెరకెక్కించిన ‘కెమెరామెన్ గంగతో రాంబాబు’ సినిమా ఫిబ్రవరిలో రీ రిలీజ్ కానుంది. ఫిబ్రవరి 8న వస్తున్న ‘యాత్ర 2’ సినిమాకు పోటీగా థియేటర్లలోకి వస్తుందీ సినిమా. దీంతో ఈ రెండు సినిమాల మధ్య పోటీ నెలకొంది. మరి, ఏపీ ప్రజలు ఎవరి సినిమాకి ఓటేస్తారో చూడాలి. ఎంతైనా పవర్ స్టార్ పవన్ కళ్యాణ్ నటించిన మూవీ “కెమెరామెన్ గంగతో రాంబాబు”.
ఈ మూవీ 2012వ సంవత్సరం అక్టోబర్ లో విడుదల అయింది. దీనికి పూరి జగన్నాథ్ దర్శకత్వం వహించగా, మిల్కీ బ్యూటీ తమన్నా కథానాయికగా నటించింది. ఈ సినిమా అప్పుడు బాగానే హిట్ అయ్యింది. అందుకే, ఇప్పుడు మళ్లీ రీరిలీజ్ చేసేందుకు చిత్ర బృందం సన్నాహాలు చేస్తున్నారు. ఐతే, త్వరలో పార్లమెంట్ ఎన్నికలు జరుగుతున్న నేపథ్యంలో ఈ చిత్రాన్ని ప్రజలు ఎలా రిసీవ్ చేసుకుంటారో దానిబట్టి మనకు వచ్చే ఎన్నికలలో పవన్ గాలి ఎలా వీస్తుందో అర్థమైపోతుంది.
మొత్తానికి పవన్ కళ్యాణ్, జగన్ మోహన్ రెడ్డికి గట్టి పోటీని ఇస్తున్నాడు. కాకపోతే, యాత్ర 2 పై మంచి అంచనాలే ఉన్నాయి. ఎలాగూ యాత్ర సినిమా సూపర్ హిట్ అయ్యింది కాబట్టి, యాత్ర 2 పై కూడా భారీ అంచనాలు నెలకొన్నాయి. మరి రాంబాబు – యాత్ర 2 లలో ఏ సినిమా క్లిక్ అవుతుందో చూడాలి.
Also Read:సైంధవ్ ఓటీటీ డేట్ ఫిక్స్..
