యశోద టీజర్ అప్‌డేట్!

టాలీవుడ్‌ బ్యూటీ సమంత వరుస సినిమాలతో దూసుకుపోతుంది.. విభిన్న తరహా పాత్రలు చేస్తూ ప్రేక్షకులను మెప్పిస్తున్న సామ్…ఓ పాన్ ఇండియా మూవీ చేస్తున్న సంగతి తెలిసిందే. ఈ సినిమాకు యశోద అనే టైటిల్ ఖరారు చేయగా తెలుగు, తమిళ, కన్నడ, మలయాళ భాషల్లో ఈ సినిమాను రిలీజ్ చేయనున్నారు.

ఇక తాజాగా సినిమాకు సంబంధించి అప్ డేట్ ఇచ్చింది చిత్రయూనిట్. సెప్టెంబర్ 9న సాయంత్రం 5.49 గంటలకు ఈ చిత్ర టీజర్‌ను రిలీజ్ చేస్తున్నట్లు తెలిపింది. పూర్తిగా సైన్స్ ఫిక్షన్ థ్రిల్లర్ మూవీగా ఈ సినిమాను హరి-హరీశ్‌లు సంయుక్తంగా తెరకెక్కిస్తున్నారు. ఇక ఈ సినిమాలో సమంత పాత్ర చాలా ఆసక్తికరంగా ఉండబోతుందని చిత్ర యూనిట్ చెబుతోంది.

థ్రిల్లింగ్ అంశాలను ఈ టీజర్‌లో చూపెట్టే విధానం ప్రేక్షకులను కట్టిపడేస్తుందని చిత్ర యూనిట్ అంటోంది. ఈ టీజర్ అభిమానులకు సరికొత్త అనుభూతిని కలిగిస్తుందని వెల్లడించింది.