ప్రియాంక ఇంత పబ్లిక్‌గానా…?
ప్రియాంకా చోప్రా న్యూయార్క్ సిటీ పరిసరాలలో తన కొత్త సినిమా.. రొమాంటిక్ డ్రామా “ఈజింట్ ఇట్ రొమాంటిక్?” షూటింగులో బిజీగా ఉంది. ‘బేవాచ్’ సినిమా తరువాత రెండు సినిమాలు వెంట వెంటనే మొదలుపెటేసింది. సోషల్ మీడియాలో ఆమె పై అనవసరమైన చర్చలు జరుగుతున్నా వాటిని పట్టించుకునే తీరిక ఇప్పుడు ఈ అందాల అమ్మడుకు లేదనే చెప్పాలి.ఈ అమ్మడు హాలీవుడ్‌లో వరుస షూటింగ్ షెడ్యూల్ తో బిజీగా గడుపుతుంది.
ఈ రొమాంటిక్ కామిడీని టాడ్ స్ట్రాస్ స్క‌ల్స‌న్ డైర‌క్ట్ చేస్తున్నాడు. రెబ‌ల్ విల్స‌న్‌, హియామ్ హెమ్స్‌వ‌ర్త్‌లు కూడా ఇందులో న‌టిస్తున్నారు. ఈ సినిమాను 2019లో వాలెంటైన్ డే సంద‌ర్భంగా రిలీజ్ చేయ‌నున్నారు. ప్రియాంకా చోప్రా ఈ సినిమాలో యోగా అంబాసిడ‌ర్ పాత్ర‌లో న‌టిస్తున్న‌ది. బాలీవుడ్ స్టార్‌తో ఆ సీన్‌లో న‌టించిన హీరో పేరు ఆడ‌మ్ డివైన్‌. న్యూయార్క్‌లోని సెంట్ర‌ల్ పార్క్‌లో ఈ ఫిల్మ్ షూటింగ్ జ‌రిగింది.
ఈ సినిమాలో కొంచం రొమాన్స్ కొంచెం కామిడీ ఉంటుంది అని తెలుస్తుంది. ఆన్ లొకేషన్‌లో తీసిన ఫోటోల్లో ప్రియాంకాను చూస్తుంటే మనకు ఆ రొమాన్స్ ఎలా ఉండబోతుందో తెలుస్తుంది. పింక్ డ్రెస్ లో హంగామా లేకుండానే అందరి గుండెల్లో తన అందంతో గుబులు పుట్టించేస్తోంది. మరింత సెక్సీ గా కనిపిస్తోంది ప్రియాంక. ఈ సినిమా షూటింగ్ చేస్తూనే మరో హాలీవుడ్ సినిమా ‘ఏ కిడ్ లైక్ జాక్’లో నటిస్తోంది ఈ అమ్మడు. అమెరికా టివి సిరీస్ తరువాత బాగా పాపులర్ అయిన ప్రియాంక తన హాలీవుడ్ కెరియర్ని తెలివిగా మలుచుకుంటుంది. కామెడీ డ్రామా రొమాన్స్ ఇలా అన్నీ రకాల సినిమాలలో నటిస్తూ అక్కడ తన స్థానాన్ని పదిలిపరుచుకునే పనిలో పడింది.
