మెగాస్టార్ చిరంజీవితో ‘ఖైదీ నెం150’ రూపంలో హిట్ కొట్టి మళ్లీ ట్రాక్ మీదకు వచ్చిన దర్శకుడు వివి వినాయక్. ప్రస్తుతం సుప్రీమ్‌ హీరో సాయిధరమ్ తేజ్‌ కథానాయకుడిగా సి.కె.ఎంటర్‌టైన్‌మెంట్స్‌ ప్రై. లిమిటెడ్‌ పతాకంపై ‘ఇంటెలిజెంట్‌’ చిత్రాన్ని తెరకెక్కిస్తున్నారు. దీంతో పాటు కొద్దిరోజులుగా హీరో మంచు మనోజ్‌తో కలిసి వినాయక్ ఓ సినిమా చేయబోతున్నట్లు వార్తలు వస్తున్నాయి. ఈ రూమర్స్‌పై వినాయక్ వివరణ ఇచ్చే ప్రయత్నం చేశారు. తాను మంచు మనోజ్‌తో కలిసి ప్రస్తుతం ఎలాంటి సినిమా చేయట్లేదని చెప్పారు.
మెగాస్టార్ చిరంజీవితో ‘ఖైదీ నంబర్ 150’ తెరకెక్కిస్తున్నప్పుడే సాయిధరమ్ తో ఈ సినిమా తీయాలని నిర్ణయించుకున్నట్టు చెప్పారు. ప్రతి హీరోలో ఒక ప్రత్యేకత ఉంటుందని, మనం ఎంచుకున్న కథ కు తగ్గట్టుగా హీరో ఎంపిక ఉంటుందని, ప్రతి హీరో కష్టపడే పని చేస్తారని అన్నారు. పవన్ కల్యాణ్ సినిమాకు దర్శకత్వం ఎప్పుడు వహిస్తాననే విషయం తాను చెప్పలేనని, ఆ విషయాన్ని టైమ్ డిసైడ్ చేయాల్సిందేనని అన్నారు.
ప్రభాస్ గురించి మాట్లాడుతు స్నేహానికి ప్రాణం ఇస్తాడని చెప్పుకొచ్చాడు. చిన్న చిన్న విషయాలకే సంతోషపడిపోతాడు. ఆ ఆనందాన్ని అందరికీ పంచుతాడని చెప్పారు.
