భార‌త ప్రధాని నరేంద్రమోదీ జీవితక‌థ ఆధారంగా బయోపిక్ తెర‌కెక్కుతున్న విష‌యం తెలిసిందే. బాలీవుడ్ నటుడు వివేక్ ఒబెరాయ్ ప్ర‌ధాన పాత్ర‌లో న‌టిస్తున్నాడు. ఒమంగ్ కుమార్ ఈచిత్రానికి ద‌ర్శ‌క‌త్వం వ‌హిస్తున్నారు. తాజాగా ఈమూవీకి సంబంధించిన ఫస్ట్ లుక్ పొస్ట‌ర్ ను విడుద‌ల చేశారు. ‘పీఎం నరేంద్రమోదీ’ టైటిల్ తో వస్తున్న ఈ చిత్ర ఫస్ట్ లుక్ పోస్టర్ లో వివేక్ ఒబెరాయ్ ప్రధాని మోదీ హావభావాలతో కనిపిస్తున్నాడు. ఈ ఫస్టులుక్ పోస్టర్ ను 23 భాషల్లో మహారాష్ట్ర ముఖ్యమంత్రి దేవేంద్ర ఫడ్నవీస్ లాంచ్ చేశారు. తాజాగా విడుద‌లైన ఈఫస్ట్ లుక్ తో సినిమాపై అంచ‌నాల‌ను పెంచేసింది.
నరేంద్ర మోదీ బాల్యం, విద్యాభ్యాసం, రాజకీయ ప్రవేశం అంచలంచెలుగా ఎదిగిన తీరు ఈ బయోపిక్ లో చూపించనున్నారు. వివేక్ ఒబెరాయ్ అచ్చం మోదీ గెట‌ప్ లోనే కనిపిస్తున్నాడు. సందీప్ ఎస్ సింగ్, సురేశ్ ఒబెరాయ్ లు సంయుక్తంగా ఈమూవీని నిర్మిస్తున్నారు. ఈమూవీకీ సంబంధించిన పూర్తి వివ‌రాలు త్వ‌ర‌లోనే తెలియ‌నున్నాయి. వివేక్ ఒబెరాయ్ ప్ర‌స్తుతం తెలుగులో రామ్ చ‌రణ్ బోయపాటి కాంబినేష‌న్ లో తెరెకెక్కిన విన‌య విధేయ రామ సినిమాలో విల‌న్ గా న‌టించారు.
