చాలా మంది కార్లను కేవలం ఒక పెట్టుబడిగానో లేదా ప్రయాణ సాధనంగానో చూస్తారు. కానీ, మరికొందరికి మాత్రం వాటితో ఒక ప్రత్యేకమైన ఎమోషనల్ బంధం ఉంటుంది. తమ వాహనాలను ప్రాణప్రదంగా చూసుకునే యజమానులు, వాటిని తమ కుటుంబ సభ్యుడిలాగే భావిస్తారు. తాజాగా ఇంటర్నెట్లో వైరల్ అవుతున్న ఒక వీడియోలో.. ఒక యజమాని వరదల్లో చిక్కుకున్న తన కారు మునిగిపోకుండా లేదా కొట్టుకుపోకుండా కాపాడుకోవడానికి ప్రాణాలకు తెగించి దానిని గట్టిగా పట్టుకుని వేలాడటం కనిపిస్తోంది.
నీటిలో పూర్తిగా మునిగిపోయిన ఒక కారు వెనుక భాగాన్ని (టెయిల్గేట్) ఒక వ్యక్తి గట్టిగా పట్టుకుని ఉండటంతో ఈ వీడియో ప్రారంభమవుతుంది. చూసేటప్పుడు ఆ కారు తలుపు ఊడిపోయిందేమో అనే భ్రమ కలుగుతుంది. అయినప్పటికీ, ఆ వ్యక్తి కారును వదలకుండా గట్టిగా పట్టుకుని ఉన్నాడు. వీడియో ముందుకు సాగుతుండగా, వరద ప్రభావిత ప్రాంతం నుండి ఆ కారును బయటకు లాగడానికి ఒక జేసీబీ (JCB) రావడం కనిపిస్తుంది. ఆ తర్వాత, కారును నీటిలోంచి తీయడానికి ఆ వ్యక్తి కూడా జేసీబీకి సహాయం చేయడం చూడవచ్చు. కారు నీటిలో తేలుతూ, తను చాతి లోతు నీటిలో ఉన్నప్పటికీ.. ఆ వ్యక్తి తన వాహనాన్ని కాపాడుకోవడానికి దానిని అస్సలు వదిలిపెట్టలేదు.
సోషల్ మీడియాలో చక్కర్లు కొడుతున్న ఈ వీడియోకు ఇప్పటికే మిలియన్ల కొద్దీ వ్యూస్ వచ్చాయి, ఇంకా పెరుగుతూనే ఉన్నాయి. ఈ వీడియో చూసిన సోషల్ మీడియా వినియోగదారులు కారు యజమాని పరిస్థితిని చూసి అయ్యో అంటూ కామెంట్ల వర్షం కురిపిస్తున్నారు. చాలా మంది ఆ దృశ్యాలకు కరిగిపోగా, మరికొందరు తన ఫోర్-వీలర్ నేస్తంపై ఆ వ్యక్తికి ఉన్న ప్రేమను, అతడి ధైర్యాన్ని అభినందిస్తున్నారు.
ఈ వీడియోలో ఉన్న కారు ‘టాటా నెక్సాన్ ఈవీ’ (Tata Nexon EV) పాత మోడల్. కారు మొత్తం నీటిలో మునిగిపోయినప్పటికీ, దానిలోని కొన్ని ఫంక్షన్లు ఇంకా పని చేస్తుండటం విశేషం. వాహనం యొక్క లైట్లు వెలుగుతూనే ఉన్నాయి, వైపర్లు కూడా తిరుగుతున్నాయి. ఇది 30.2 kWh బ్యాటరీ ప్యాక్తో సింగిల్ ఛార్జ్పై దాదాపు 300 కిమీల మైలేజ్ ఇచ్చే 2020 మోడల్ కారుగా కనిపిస్తోంది. ప్రస్తుతం మార్కెట్లో ఉన్న ఈ ఎలక్ట్రిక్ ఎస్యూవీ (Electric SUV) ప్రారంభ ధర రూ. 12.49 లక్షలు (ఎక్స్-షోరూమ్) గా ఉంది.
View this post on Instagram
Also Read:వీడియో..రిల్స్ కోసం ప్రాణాలతో చెలగాటం