విక్రమ్…కోబ్రా అప్‌డేట్!

చియాన్ విక్రమ్ కధానాయకుడిగా వైవిధ్యమైన సినిమాలతో ఆకట్టుకునే దర్శకుడు ఆర్ అజయ్ జ్ఞానముత్తు దర్శకత్వంలో తెరకెక్కిన యాక్షన్ థ్రిల్లర్ ‘కోబ్రా’. సెవెన్ స్క్రీన్ స్టూడియోస్ బ్యానర్‌పై ఎస్ఎస్ లలిత్ కుమార్ ఈ చిత్రాన్ని నిర్మించారు.

తాజాగా ఈ చిత్రానికి సంబంధించిన ఓ వార్త నెట్టింట వైర‌ల్‌గా మారింది. ఈ చిత్రంలో విక్ర‌మ్ ఏడు ర‌కాల పాత్ర‌ల్లో క‌నిపించ‌నున్నాడట‌. అంతేకాకుండా ఈ ఏడు పాత్ర‌ల‌కు త‌నే డ‌బ్బింగ్ చెప్పాడ‌ట‌. పాత్ర తీరును బ‌ట్టి, వివిధ వేరియేష‌న్స్‌లో వాయిస్ మాడ్యూలేష‌న్ ఉంటుంద‌ట‌. ఇలా ఏడు రకాలుగా గొంతు మార్చి మాట్లాడ‌టం అంటే విశేషం అనే చెప్పాలి.

ఆగ‌స్టు 11న విడుద‌ల చేస్తున్న‌ట్లు మేకర్స్ ప్ర‌క‌టించినా తాజాగా ఈ చిత్రం విడుద‌ల వాయిదా ప‌డ్డ‌ట్లు తెలుస్తుంది. సీజి కార‌ణంగా విడుద‌ల పోస్ట్ పోన్ అయింద‌ని కోలీవుడ్ వ‌ర్గాల స‌మాచారం.