వికారాబాద్ మాజీ ఎమ్మెల్యే సంజీవరావు గుండెపోటుతో ఈ రోజు మృతి చెందారు. గుండెపోటుకు గురైన ఆయనను నిమ్స్ కు తరలించారు. చికిత్స పొందుతూ ఆయన తుదిశ్వాస విడిచారు. సంజీవరావు 2014లో వికారాబాద్ అసెంబ్లీ స్థానం నుంచి టీఆర్ఎస్ అభ్యర్థిగా గెలుపుపొందారు. ఆయన స్వస్థలం నవాబుపేట మండలంలోని గేటు వనంపల్లి.
ఇక సంజీవరావు ఆకస్మిక మృతి వార్త తెలియడంతో సీఎం కేసీఆర్ దిగ్భ్రాంతికి గురయ్యారు. సంజీవరావు కుటుంబ సభ్యులకు ప్రగాఢ సానుభూతి తెలియజేశారు. ఆయన ఆత్మకు శాంతి చేకూరాలని భగవంతుడ్ని ప్రార్థించినట్టు సీఎం కేసీఆర్ పేరిట తెలంగాణ సీఎంవో ట్వీట్ చేసింది. సంజీవరావు మృతి పట్ల పలువురు నేతలు సంతాపం వ్యక్తం చేశారు.
వికారాబాద్ మాజీ ఎమ్మెల్యే శ్రీ సంజీవ రావు ఆకస్మిక మరణం పట్ల ముఖ్యమంత్రి శ్రీ కె. చంద్రశేఖర్ రావు తీవ్ర దిగ్భ్రాంతి వ్యక్తం చేశారు. ఆయన కుటుంబ సభ్యులకు ప్రగాఢ సానుభూతి తెలిపారు. ఆయన ఆత్మకు శాంతి చేకూరాలని భగవంతుడిని ప్రార్థించారు.
— Telangana CMO (@TelanganaCMO) February 25, 2020
