‘వారసుడు’గా విజయ్‌ క్లాసీ లుక్‌ అదిరింది..

తమిళ హీరో విజయ్‌, టాలీవుడ్‌ వంశీ పైడిపల్లి దర్శకత్వంలో తెలుగు తమిళ భాషల్లో ఓ చిత్రం రూపొందుతున్న విషయం తెలసిందే. ఈ చిత్రానికి తాజాగా టైటిల్ ఫిక్స్‌ చేశారు చిత్ర బృందం. ఈ మూవీకి తెలుగులో ‘వారసుడు’, తమిళంలో ‘వారిసు’ అనే పేరును ఖరారు చేశారు. బుధవారం విజయ్‌ పుట్టిన రోజును పురస్కరించుకొని చిత్రబృందం ఒక రోజు ముందే ఆయన ఫస్ట్‌ లుక్‌తో పాటు టైటిల్‌ను వెల్లడించింది.

ఇక ఈ ఫస్ట్‌ లుక్‌లో విజయ్‌ సూట్‌ ధరించి క్లాసీ లుక్‌లో ఆకట్టుకున్నారు. ఈ చిత్రంలో విజయ్‌ సరసన రష్మిక మందన్న నటిస్తోంది. ప్రభు, శరత్‌కుమార్‌, ప్రకాష్‌రాజ్‌, ఖుష్బూ కీలకపాత్రలు పోషిస్తున్నారు. శ్రీ వెంకటేశ్వర క్రియేషన్స్‌ బ్యానర్‌పై దిల్‌రాజు, శిరీష్‌ నిర్మిస్తున్నారు. తమన్‌ సంగీతం అందిస్తున్నారు. ఈ సినిమా వచ్చే ఏడాది సంక్రాంతికి విడుదల కానుంది.