సూపర్ స్టార్ మహేష్ బాబు విజయవాడలో సందడి చేశాడు. ఇటివల మహేష్ తండ్రి సూపర్ స్టార్ కృష్ణ మరణించిన విషయం తెలిసిందే. తాజాగా కృష్ణ గారి అస్థికలు కృష్ణా నదిలో కలిపేందుకు కుటుంబ సమేతంగా ప్రత్యేక విమానంలో మహేష్ బెజవాడ చేరుకున్నాడు. హైదరాబాద్ నుండి ఉదయం బయలుదేరి గన్నవరం ఎయిర్ పోర్ట్ కి చేరుకున్నారు. గన్నవరం నుండి వెంటనే కృష్ణ నదికి చేరుకొని కృష్ణ గారి అస్తికలు కృష్ణ నదిలో కలిపే కార్యక్రమం పూర్తిచేసుకున్నారు. కృష్ణ గారి అస్థికలు కలిపేందుకు సెపరేట్ గా నదీ తీరాన ఓ ఘాట్ ఏర్పాటు చేశారు.
కృష్ణ నదిలో స్నానం ముగించుకొని ఆ పక్కనే ఉన్న గెస్ట్ హౌజ్ లో మహేష్ ఫ్రెష్ అయ్యాడు. మహేష్ తో పాటు బావలు .గల్లా జయదేవ్, సంజయ్ , సుదీర్ బాబు లు విజయవాడ తరలి వచ్చారు. అలాగే త్రివిక్రమ్ , మెహెర్ రమేష్ కూడా ఈ కార్యక్రమానికి మహేష్ కి తోడుగా విజయవాడ విచ్చేశారు. మహేష్ ను చూసేందుకు ఫ్యాన్స్ బెజవాడ కృష్ణ తీరానికి భారీగా చేరుకున్నారు. కానీ పోలీస్ ప్రొటెక్షన్ ఉండటంతో మహేష్ దూరం నుండే చూసి వెళ్ళారు. అన్నయ్య , తల్లి, తండ్రి ఇలా వరుసగా కుటుంబంలో ముఖ్యమైన వ్యక్తులను కోల్పోయిన మహేష్ త్వరలోనే కోలుకొని త్రివిక్రమ్ సినిమాను మొదలు పెట్టాలని ఫ్యాన్స్ కోరుకుంటున్నారు.
ఇవి కూడా చదవండి…
