వైవిధ్యమైన సినిమాలతో తనకంటూ ఓ ప్రత్యేక గుర్తింపు తెచ్చుకున్న నటుడు విజయ్ సేతుపతి. హీరోగా, విలన్ క్యారెక్టర్స్‌తో రాణిస్తున్న విజయ్ తాజాగా బాలీవుడ్‌లో అడుగుపెట్టనున్నాడు. అట్లీ దర్శకత్వంలో షారుఖ్ హీరోగా తెరకెక్కుతున్న జవాన్ సినిమాలో ప్రధాన పాత్ర పోషించనున్నారు. షారుఖ్ సరసన నయనతార హీరోయిన్‌గా నటిస్తుండగా విజయ్ విలన్ పాత్ర పోషించనున్నారు.
ఇక ప్రస్తుతం సినిమాకు 5 నుండి 7 కోట్ల రెమ్యూనరేషన్ తీసుకుంటున్న విజయ్…ఇటీవల విక్రమ్‌తో హిట్ కొట్టడంతో రెమ్యూనరేషన్‌ని భారీగా పెంచేశాడు. బాలీవుడ్ జవాన్ సినిమాకు ఏకంగా 20 కోట్ల పారితోషికం తీసుకుంటున్నట్లు సమాచారం.
ఉప్పెన, మాస్టర్, విక్రమ్ సినిమాల్లో తన విలనిజంతో సౌత్ లో టాప్ విలన్ గా మారారు. స్టార్ హీరోలకి విలన్ కావాలంటే ఇప్పుడు అందరికి విజయ్ సేతుపతి గుర్తొచ్చేలా చేశారు. షారుఖ్ – విజయ్ కాంబోలో వస్తున్న ఈ సినిమాపై భారీ అంచనాలు నెలకొన్నాయి.
