టాలీవుడ్‌లో ఆసక్తికర పోరుకు రంగం సిద్ధమైంది. నవంబర్ 16న రవితేజ,యంగ్ హీరో విజయ్ దేవరకొండ ఒకేసారి ప్రేక్షకుల ముందుకురానున్నారు. విజయ్ ట్యాక్సీవాలాతో వస్తుండగా రవితేజ అమర్ అక్బర్ అంటోనిగా సందడిచేయనున్నారు.
కొంతకాలంగా హీట్ కోసం ఎదురుచూస్తున్న శ్రీనువైట్ల..రవితేజతో చేస్తున్న అమర్ అక్బర్ అంటోనిపై భారీ పెట్టుకున్నారు. మైత్రీ మూవీ మేకర్స్ బ్యానర్‌పై తెరకెక్కుతున్న ఈ సినిమా నవంబర్ 16న విడుదల కానుంది. మాస్ మహరాజా సరసన గోవా బ్యూటీ ఇలియానా హీరోయిన్‌గా నటిస్తుండగా ఈ సినిమాలో రవితేజ త్రిపాత్రాభినయం చేయనున్నారు.
అర్జున్ రెడ్డి, గీతా గోవిందం చిత్రాలతో విజయ్‌కు ఊహించని క్రేజ్ ఏర్పడింది. ఈ రెండు సినిమాల్లో పాత్రలకు వందశాతం న్యాయం చేసిన విజయ్..నోటాతో మాత్రం కాస్త నిరాశపర్చాడు. ఈ నేపథ్యంలో ట్యాక్సీవాలాగా ప్రేక్షకుల ముందుకు వచ్చేందుకు సిద్ధమయ్యారు. నోటా కంటే ముందే ఈ సినిమా విడుదల కావాల్సి ఉన్నా కొన్ని కారణాల వల్ల ఆలస్యమైంది. ఎట్టకేలకు రిలీజ్ డేట్ ఫిక్స్‌ చేసుకుని రవితేజను ఢీ కొట్టేందుకు వస్తున్నారు విజయ్. ఈ రెండు సినిమాలతో పాటు ‘24 కిస్సెస్’, ‘బ్లఫ్ మాస్టర్’ చిత్రాలు కూడా రిలీజ్ కానున్నాయి. మొత్తంగా నవంబర్ 16న జరిగే బాక్సాఫీస్ పోరులో ట్యాక్సీవాలా దూసుకుపోతాడా..? లేదా రవితేజ హిట్ కొడతాడా అనేది తెలియాలంటే వేచిచూడాల్సిందే.
