కొరటాల శివ దర్శకత్వంలో మహేష్ బాబు హీరోగా తెరికెక్కిన చిత్రం భరత్ అనే నేను. ప్రస్తుతం ఈ మూవీ వసూళ్ల పరంగా దూసుకెళ్తుంది. ఇప్పటికే ప్రపంచవ్యాప్తంగా రూ.125 కోట్ల కలెకన్స్ రాబట్టి బాక్సాఫీస్ వద్ద కలెక్షన్ల వర్షం కురిపిస్తుంది. . రెండు ప్లాఫ్ సినిమాల తర్వాత వచ్చిన ‘భరత్ అనే నేను’ చిత్రం మహేష్ కి ఈ చిత్రం బాస్టర్ హిట్ గా నిలిచింది. శ్రీమంతుడితో హిట్ కొట్టిన కొరటాల శివ-మహేష్ బాబు కాంబినేషన్ మళ్లీ భరత్ అనే నేను చిత్రంతో కాంబోగా మారి మరో బంఫర్ హిట్ కొట్టారు.
ఈ చిత్రానికి విమర్శకుల సైతం ప్రశంసల వర్షం కురిపించారు. మంత్రి కేటిఆర్ కూడా భరత్ అనే నేను చిత్రం చూశానని చాలా అద్భుతంగా ఉందని కొనియాడిన సంగతి తెలిసిందే. అయితే తాజాగా హీరో వెంకటేశ్ కూడా మహేష్ నటనకు ఫిదా అయ్యానని తెలిపాడు. మహేష్ అద్భుతంగా నటించాడని వెంకీ కొనియాడారు. కొరటాల శివ సున్నితమైన కథను అద్భుతంగా, అభినందించదగ్గ రీతిలో తెరకెక్కించారని ఆయన అన్నారు. ఇంత అద్భుతమైన చిత్రాన్ని నిర్మించిన దానయ్యకు నా శుభాకాంక్షలు అంటూ వెంకటేశ్ ట్వీట్ చేశారు.
మరోవైపు ఈ సినిమా ఇంత పెద్ద హిట్ కావటంతో విజయోత్సవ కార్యక్రమాన్నిభారీ స్థాయిలో ఏర్పాటు చేయాలని నిర్మాతలు నిర్ణయించారు. ఏప్రిల్‌ 27న తిరుపతి అలిపిరి రోడ్డులోని నెహ్రు మున్సిపల్‌ పాఠశాల గ్రౌండ్‌లో ఈ వేడుకను నిర్వహించనున్నట్టు కూడా ప్రకటించారు. కానీ ఏపీలో వాతావరణ పరిస్థితులు అనుకూలించకపోవడంతో ఈ వేడుకను వాయిదా వేస్తున్నట్లు ప్రకటించారు. త్వరలో కొత్త తేదీని నిర్ణయించి వేదిక వివరాలను వెల్లడిస్తామని చిత్ర నిర్మాతలు తెలిపారు.
https://twitter.com/VenkateshDaggu4/status/989396260326031366
