కొనసీమలో సందడిచేసేందుకు సిద్ధమైంది వెంకీమామ చిత్రయూనిట్. మామ,అల్లుళ్లు వెంకటేశ్‌,నాగచైతన్య మల్టీస్టారర్‌గా బాబీ దర్శకత్వంలో ఈ సినిమా తెరకెక్కుతోన్న సంగతి తెలిసిందే. సురేష్‌ ప్రొడక్షన్స్, పీపుల్‌ మీడియా ఫ్యాక్టరీ నిర్మిస్తున్న ఈ చిత్రంలో వెంకీ సరసన పాయల్‌ రాజ్‌పుత్, చైతూ సరసన రాశీఖన్నా హీరోయిన్లుగా నటిస్తున్నారు.
కోనసీమలోని తాటిపాక గ్రామంలో నేటి నుండి సినిమా షూటింగ్ జరగనుంది. రెండు వారాల పాటు తాటిపాక గ్రామ పరిసర ప్రాంతాల్లో షూటింగ్ చేయనున్నారు. రియల్‌ లైఫ్‌లోనే కాదు రీల్‌ లైఫ్‌లోనూ మామ అల్లుళ్లుగా కనిపించనున్నారు వెంకీ అండ్ చైతూ. ఓ రైస్‌మిల్‌ యజమాని పాత్రలో వెంకీ, ఆర్మీ ఆఫీసర్‌ పాత్రలో నాగచైతన్య నటించబోతున్నారని ప్రచారం జరుగుతోంది.
సంక్రాంతి రేసులో వెంకటేష్‌ ఎఫ్‌2తో బ్లాక్ బస్టర్ హిట్ కొట్టారు.చైతూ సైతం ‘నిన్నుకోరి’ ఫేమ్ శివ నిర్వాణ దర్శకత్వంలో 17వ చిత్రంగా ‘మజిలి’ చేస్తున్నాడు. పెళ్లి తర్వాత తొలిసారిగా చైతూ-సమంత కలిసి నటిస్తుండటంతో ఈ సినిమాపై భారీ అంచనాలు నెలకొన్నాయి.
