బాలీవుడ్ కండలవీరుడు సల్మాన్‌ఖాన్ నటించిన సుల్తాన్ బీ టౌన్‌ని షేక్‌ చేసిన సంగతి తెలిసిందే. 2016లో విడుదలైన ఈ సినిమా అప్పటివరకు బాలీవుడ్‌లో ఉన్న రికార్డులన్నింటిని తిరగరాసింది. ఈ నేపథ్యంలో సుల్తాన్‌ను తెలుగులో రిమేక్ చేసేందుకు ప్రయత్నాలు మొదలయ్యాయి.
తెలుగులో రిమేక్ సినిమాలతో హిట్ కొట్టిన వెంకటేష్ సుల్తాన్ రిమేక్‌లో నటించనున్నట్లు తెలుస్తోంది. ఇప్పటికే వెంకటేష్ బాడీగార్డ్, గురు వంటి రిమేక్ సినిమాల్లో నటించి హిట్ సాధించగా మరోసారి సుల్తాన్‌తో ప్రేక్షకులను అలరించనున్నట్లు సమాచారం.
సురేశ్ ప్రొడక్షన్స్ బ్యానర్ పై ఈ సినిమాను నిర్మించడానికి రంగం సిద్ధమైపోయిందని అంటున్నారు. ఈ సినిమాలో కథానాయికగా రితికా సింగ్ ను తీసుకున్నట్టుగా తెలుస్తోంది. గతంలో వెంకటేశ్ .. రితికా సింగ్ కాంబినేషన్లో వచ్చిన ‘గురు’ సినిమా సక్సెస్ ను సాధించిన సంగతి తెలిసిందే. ప్ర‌ముఖ మ‌ల్లయోదుడు జీవిత క‌థ ఆధారంగా హిందీలో తెరకెక్కగా తెలుగు నేటివిటికి అనుగుణంగా మార్పులు చేర్పులు చేస్తున్నారు.
