డైరెక్టర్‌ సుకుమార్‌ సినిమాకేసే లెక్కలే వేరు. ఈయన సినిమాలన్నీ..పజిల్స్‌ని పోలి ఉంటాయి. సుక్కుభాయ్‌ వేసే పజిల్స్‌కి సినీ లవర్స్‌ దిమ్మతిరగాల్సిందే. కొత్త కొత్త కాన్సెప్ట్‌లతో ఆడియెన్స్‌ని అట్రాక్ట్ చేసిన సుకుమార్‌ సినిమాలు ఈ మధ్య లెక్కలు తప్పుతున్నాయి. అయినా సరే…సుక్కుభాయ్‌నే ఎంకరేజ్‌ చేసేస్తున్నారు మన టాప్‌ హీరోస్‌. అందుకే వరుస ఆఫర్లతో దూసుకుపోతున్నాడు ఈ దర్శకుడు.
ఇదిలా ఉండగా.. సుకుమార్‌ – రామ్ చరణ్ కాంబినేషన్ లో వస్తున్న లేటెస్ట్‌ మూవీ రంగస్థలం. ఉభయగోదావరి జిల్లాలో షూట్ జరుపుకున్న ఈ సినిమా యూనిట్ ప్రస్తుతం హైదరాబాద్ లో సందడి చేస్తోంది.
ఈ సినిమా కోసం హైదరాబాద్ బూత్ బంగ్లా ప్రాంతంలో దాదాపు 10 కోట్లు పెట్టి ఓ విలేజ్ సెట్ ని ఏర్పాటు చేశారు. కానీ చిరు మూవీ ‘సైరా’ విషయంలో బిజీగా ఉన్నాడు రామ్‌చరణ్‌. దాంతో ‘రంగస్థలం’ షూటింగ్‌ కి కాస్త బ్రేక్‌ పడింది.
అయితే చెర్రీ త్వరలోనే రంగస్థలం సెట్స్ లో హల్చల్‌ చేస్తాడని చిత్రటీమ్‌ చెబుతోంది. ఇక ఈ సినిమా కోసం బాలీవుడ్ భామలు – కరీనా కపూర్ లేక ప్రియాంక చోప్రా ఐటమ్ భామలుగా హీటెక్కించే ఛాన్సెస్‌ ఉన్నాయంటూ టాక్.
అయితే చెర్రీతో చిందేసేందుకు, ఐటమ్ భామగా కిక్కిచ్చేందుకు కరీనా కపూర్ ఎక్కువ ఉత్సాహం చూపుతుందని సమాచారం. ఈ విషయం పై అధికారిక ప్రకటన కూడా వస్తుందని ఫిల్మ్ నగర్ టాక్. మరి కరీనా కపూర్ తో చెర్రీ చేసే హంగామా చూడాలంటే ఈ మూవీ రిలీజయ్యే వరకి కాస్త ఓపికపట్టాల్సిందే.
