టాలీవుడ్‌లో చాలా హీరోలు స్టార్ హోదాకు బయపడి మల్టీ స్టారర్ సినిమాలను చెయ్యడానికి కొంత వెనుకడుగు వేస్తున్నారు. కానీ హీరో వెంకటేష్ మాత్రం తన స్టార్ హోదాని సైతం పక్కన పెట్టేసి చిన్న పెద్దా తేడా లేకుండా అందరి హీరోలతోను స్క్రీన్ షేర్ చేసుకుంటున్నారు. గతంలో పవన్‌,మహేష్‌,రామ్‌లతో కలిసి మల్టీ స్టారర్ మూవీస్‌లో నటించిన వెంకీ త్వరలో మారో మల్టీ స్టారర్ సినిమాను చెయ్యడానికి రెడీ అయ్యారట. అది కూడా తన మేనల్లుడు నాగ చైతన్యతోనే అని తెలుస్తోంది.
సోగ్గాడే చిన్ని నాయన – రారొండోయ్ వేడుక చూద్దాం సినిమాలతో తండ్రి కొడుకులకు హిట్స్ ఇచ్చిన కళ్యాణ్ కురసాల ఈసారి మామ అల్లుళ్ల కాంబో లో సినిమాను తెరకెక్కించడానికి రెడీ అవుతున్నాడట. ప్రస్తుతం స్క్రిప్ట్ పనుల్లో బిజీగా ఉన్నట్లు తెలుస్తోంది.
అయితే చైతు కూడా ఆ సినిమాకు గ్రీన్ సిగ్నల్ ఇచ్చాడని సమాచారం. ప్రస్తుతం ఈ హీరో చందు మొండేటి దర్శకత్వంలో తెరకెక్కుతోన్న సవ్యసాచి సినిమాతో బిజీగా ఉన్నాడు. వెంకటేష్ తేజా దర్శకత్వంలో ఒక సినిమాకు కమిట్ అయ్యాడు. ఆ సినిమా నెక్స్ట్ ఇయర్ లో ఉంటుంది. అప్పటివరకు స్క్రిప్ట్ రెడీ అయితే మల్టి స్టారర్ ప్రాజెక్టును కూడా పట్టాలెక్కించాలని వెంకీ ఆలోచిస్తున్నాడు. మరి ఈ సినిమా ప్రేక్షకుల ముందుకు ఎప్పుడు వస్తుందో చూడాలి..!!
