‘గని’ విడుదలకు కొత్త ముహుర్తం ఖరారు..

టాలీవుడ్‌ మెగా ప్రిన్స్‌ వరుణ్ తేజ్ హీరోగా ‘గని’ సినిమా విడుదల వాయిదా పడిన విషయం తెలిసిందే. తాజాగా ఈ మూవీ కొత్త రిలీజ్‌ డేట్‌ విడుదల చేశారు చిత్ర బృందం. ఈ సినిమాను ఫిబ్రవరి 25వ తేదీన విడుదల చేయాలనుకున్నారు. అయితే ఆ రోజున ‘భీమ్లా నాయక్’ సినిమా రిలీజ్ ఉండటంతో వాయిదా వేసుకున్నారు. ఈ నేపథ్యంలో ఏప్రిల్ 8వ తేదీన ఈ సినిమాను విడుదల చేయనున్నట్టుగా మేకర్స్‌ అధికారికంగా ప్రకటించారు. దీని సంబంధించిన ఓ పోస్టర్‌ను వదిలారు.

వరుణ్ తేజ్ సరసన కథానాయికగా సయీ మంజ్రేకర్ పరిచయం కానుంది. ఇక ఇతర ముఖ్యమైన పాత్రల్లో జగపతిబాబు.. సునీల్ శెట్టి.. ఉపేంద్ర కనిపించనున్నారు. తమన్ సంగీతం ఈ సినిమాకి ప్రత్యేకమైన ఆకర్షణగా నిలవనుంది. అల్లు బాబీ – సిద్ధు ముద్ద నిర్మించిన ఈ సినిమాకి, కిరణ్ కొర్రపాటి దర్శకత్వం వహించాడు.