చిరంజీవి ‘అంత‌రిక్షం’ గురించి తెలుసుకున్నారుః వ‌రుణ్ తేజ్

వ‌రుణ్ తేజ హీరోగా సంక‌ల్ప్ రెడ్డి ద‌ర్శ‌క‌త్వంలో తెర‌కెక్కిన మూవీ అంత‌రిక్షం. వ‌రుణ్ స‌ర‌స‌న అదితిరావ్ హైద‌రి, లావ‌ణ్య త్రిపాఠి లు హీరోయిన్ గా న‌టించారు. డైరెక్ట‌ర్ క్రిష్‌, రాజీవ్ రెడ్డి లు ఈసినిమాను నిర్మించారు. తెలుగులో తొలిసారిగా ‘అంతరిక్షం’ నేపథ్యంలో రూపొందిన సినిమాగా చెప్పుకోవ‌చ్చు. ప్రపంచవ్యాప్తంగా రేపు ఈ సినిమా థియేటర్లకు రానుంది. ప్ర‌మోష‌న్ కార్య‌క్ర‌మాల‌ను కూడా వేగవంతం చేశారు చిత్ర‌యూనిట్. రెగ్యూల‌ర్ క‌మ‌ర్షియల్ చిత్రాల‌కు ఈసినిమా భిన్నంగా ఉంటుంద‌న్నారు హీరో వ‌రుణ్ తేజ్.

అంతరిక్ష పరిశోధన .. స్పేస్ లోను ఉత్కంఠను రేకెత్తించే సన్నివేశాలతో ఈ సినిమా సాగుతుంది. ఇలాంటి భిన్న‌మైన క‌థ‌ల‌ను చేయాల‌ని తాను ఎప్ప‌టినుంచో అనుకుంటున్నానని చెప్పాడు. పెద్ద‌నాన్న సైరా సినిమా, అంత‌రిక్షం షూటింగ్ లు ప‌క్క‌ప‌క్క‌నే జ‌రుగుతున్నాయ‌ని.. నా సినిమాకు సంబంధించిన విష‌యాల‌ను పెద‌నాన్న ఎప్ప‌టిక‌ప్పుడు తెలుసుకునేవార‌ని చెప్పారు. ఈ సినిమా విషయంలో ఆయన ప్రత్యేక శ్రద్ధ కనబరుస్తూ వస్తున్నారు. ఈసినిమా ట్రైల‌ర్ చూసి ఆయ‌న నాకు ఫోన్ చేసి అదిరిపోయిందంటూ ప్ర‌శంస‌లు కుర‌పించార‌న్నారు.