‘కరోనా వైరస్’ సాంగ్‌తో వర్మ సంచలనం..

వివాదాలకు కేరాఫ్‌గా చెప్పుకునే దర్శకుడు రాంగాపాల్‌ వర్మ. వర్మ ఇటీవలే మియా మాల్కోవా క్లైమాక్స్ మూవీ తెరకెక్కించి సంచలనం సృష్టించాడు.. ఇప్పుడు కరోనా వైరస్ టైటిల్‌తో మరో మూవీ రూపొందిస్తున్నాడు.ఈ చిత్రం లాక్‌డౌన్‌లోనే షూటింగ్ పూర్తి చేసామని వర్మ ప్రకటించిన విషయం తెలిసిందే. ఈ చిత్రానికి సంబంధించిన ట్రైలర్ కూడా విడుదల చేసాడు.

ఇప్పుడు తాజాగా ఈ సినిమాలోని ఒక సాంగ్ ని విడుదల చేసారు. ‘దేవుడా నీకో దండం రా’ అంటూ సాగే ఈ పాటను రిలీజ్ చేసిన వర్మ ”ఇది మనల్ని నాన్ స్టాప్ గా టార్చర్ చేస్తున్న దేవుణ్ణి తిడుతూ సాగే సాంగ్” అంటూ చెప్పుకొచ్చాడు. ఈ సాంగ్ కి సిరాశ్రీ లిరిక్స్ అందించాడు. డీఎస్సార్ ఈ సాంగ్ ని కంపోజ్ చేసి స్వయంగా పాడాడు. రామ్ గోపాల్ వర్మ సమర్పిస్తున్న ఈ చిత్రాన్ని సీఎం క్రియేషన్స్ నిర్మించగా అగస్త్య మంజు దర్శకత్వం వహించారు.