మ‌హాకాళేశ్వ‌రం రాజమండ్రి దేవాల‌యం విశిష్ట‌ను వివ‌రిస్తూ విజ‌య‌కృష్ణ గ్రీన్ స్టూడియోస్ వారు ఒక చిత్రాన్నిరూపొందించారు. ఈ సందర్బంగా ఈ చిత్ర నిర్మాత డా. వీకె. నరేష్ మాట్లాడుతూ, చిత్రం ర‌వీంద్ర‌భార‌తిలో 07-05-2022 సాయంత్రం ఏడు గంట‌ల‌కు శ్రీ‌శ్రీ‌శ్రీ కంచి కామ‌కోటి శంక‌ర విజ‌యేంద్ర స‌ర‌స్వ‌తిగారి అమృత హ‌స్తాల‌తో మ‌రియు ఇత‌ర పీఠాధిప‌తులు, ప్ర‌జాప్ర‌తినిధులు వారి ఆధ్వ‌ర్యంలో ప్రారంభం చేయ‌డం జ‌రిగిందన్నారు .
డా. వీకె. నరేష్ స‌మ‌ర్ప‌ణ‌లో శ్రీ‌మ‌తి ప‌విత్ర లోకేష్ ద‌ర్శ‌క‌త్వంలో చిత్రీక‌రించబడిన ఈ చిత్రంలో డా. వీకె. నరేష్, శ్రీ‌మ‌తి ప‌విత్ర లోకేష్, దేవాల‌య ధ‌ర్మ‌క‌ర్త శ్రీ ప‌ట్ట‌పాగుల వెంక‌ట్రావు త‌దిత‌రులు న‌టించారు. ఈ చిత్రానికి శ్రీ శ్రీ‌పురం కిర‌ణ్ ర‌చ‌న‌లో మోహ‌న్‌రెడ్డి సినిమాటోగ్ర‌ఫీ చేయ‌డం జ‌రిగింది.
ఈ సందర్బంగా డా. వీకె. నరేష్ ప్రసంగిస్తూ, ఈ కార్య‌క్ర‌మం ఈరోజు సాయంత్రం ఏడు గంట‌ల నుంచి మ‌హా కాలేశ్వ‌రం యూట్యూబ్ ఛాన‌ల్‌లో ప్ర‌పంచ‌వ్యాప్తంగా వీక్షింప‌బ‌డుతుందన్నారు. ఉత్త‌ర భార‌తంలో ఉజ్జ‌యిని దేవాల‌యాన్ని అనుస‌రిస్తూ ద‌క్షిణ భార‌తంలో ఆంధ్ర‌ప్ర‌దేశ్ లోని రాజ‌మండ్రిలో ఉన్న గోదావ‌రి తీరాన, రోట‌రీ స్వ‌చ్చంధ సంస్థ ధ‌ర్మ‌క‌ర్త‌లు శ్రీ ప‌ట్ట‌పాగుల వెంక‌ట్రావు గారి ఆధ్వ‌ర్యంలో ఈ దేవాల‌యం నిర్మించ‌బ‌డిందన్నారు. ఈ దేవాల‌యంలో సుమారు ప‌ది అడుగుల శివ‌లింగంతోపాటు అమ్మ‌వారి విగ్ర‌హం ఇత‌ర దేవ‌త‌ల విగ్ర‌హాలు మ‌రియు హైంద‌వ మ‌త గురువుల విగ్ర‌హాలు ద‌ర్శ‌న‌మిస్తాయన్నారాయన.
ఈ కార్య‌క్ర‌మానికి శ్రీ‌మ‌తి ప‌విత్ర లోకేష్, శ్రీ‌ద‌ర్శ‌న్‌, శ్రీ ప‌ట్ట‌పాగుల వెంక‌ట్రావు, శ్రీ ఎం.సి. వాసు త‌దిత‌రులు పాల్గొన్నారు. మ‌హా కాలేశ్వ‌రం డిజిట‌ల్ యూట్యూబ్ ఛాన‌ల్‌లో ఈ చిత్రంతోపాటు రోజువారీ జ‌రిగే హార‌తి, ఇత‌ర కార్య‌క్ర‌మాలు ప్ర‌క్ష‌త్య ప్ర‌సారంగా వీక్షించ‌వ‌చ్చని డా. వీకె. నరేష్ తెలిపారు .
