 స్పందించింది.){kind=link}
రష్యా, ఇరాన్లపై ఆంక్షలు విధించే కొత్త బిల్లును అమెరికా కాంగ్రెస్ ఆమోదించిన నేపథ్యంలో భారత విదేశాంగ మంత్రిత్వ శాఖ (MEA) స్పందించింది. దేశంలోని 140 కోట్ల మంది ప్రజల ఇంధన భద్రతను కాపాడటమే తమ ప్రభుత్వ మొదటి ప్రాధాన్యత అని స్పష్టం చేసింది. యుఎస్ కాంగ్రెస్లో ‘సాంక్షన్ రష్యా అండ్ ఇరాన్ యాక్ట్’ ఆమోదం పొందిన అంశాన్ని కేంద్ర ప్రభుత్వం గమనించిందని దీనికి సంబంధించిన పరిణామాలను నిశితంగా పరిశీలిస్తున్నామని ఎంఈఏ గురువారం తెలిపింది.
వివిధ వనరుల ద్వారా చమురును సేకరించడం మరియు మారుతున్న మార్కెట్ పరిస్థితులకు అనుగుణంగా నిర్ణయాలు తీసుకోవడం ద్వారా దేశ ఇంధన అవసరాలను తీర్చడానికి కట్టుబడి ఉన్నామని తెలిపింది. ఈ చట్టం వల్ల భారతీయ వాణిజ్య రంగం మరియు పరిశ్రమలపై పడే ప్రభావాలను ఎదుర్కోవడానికి సంబంధిత భాగస్వాములతో కలిసి పనిచేస్తామని పేర్కొంది. రష్యా నుంచి చమురు, గ్యాస్ దిగుమతి చేసుకునే భారత్, చైనా వంటి దేశాలపై భారీ సుంకాలు విధించేలా మరియు అధ్యక్షుడు డోనాల్డ్ ట్రంప్కు అధికారం ఇచ్చేలా ఈ బిల్లు రూపొందించబడింది.
‘లిండ్సే ఓ గ్రాహం సాంక్షనింగ్ రష్యా అండ్ ఇరాన్ యాక్ట్ ఆఫ్ 2026’ (గత జూలైలో మరణించిన రిపబ్లికన్ సెనేటర్ లిండ్సే గ్రాహం జ్ఞాపకార్థం ఈ పేరు పెట్టారు).ఓటింగ్ వివరాలు: యుఎస్ ప్రతినిధుల సభ (House of Representatives) లో ఈ బిల్లు 262-159 ఓట్ల తేడాతో ఆమోదం పొందింది.ప్రతిపాదనకు అనుకూలంగా: 203 మంది రిపబ్లికన్లు, 58 మంది డెమోక్రాట్లు, 1 ఇండిపెండెంట్ (మొత్తం 262).వ్యతిరేకంగా: 7 గురు రిపబ్లికన్లు, 152 మంది డెమోక్రాట్లు (మొత్తం 159).
చైనా, భారత్లకు హెచ్చరికలు:డెమోక్రటిక్ సెనేటర్ రిచర్డ్ బ్లూమెంతాల్ మాట్లాడుతూ, “చైనా, భారత్లు తమ చమురు, గ్యాస్ అవసరాల కోసం రష్యా కాకుండా వేరే మార్గాలను చూసుకోవడం శ్రేయస్కరం” అని స్పష్టం చేశారు.నవంబర్ 3న జరగనున్న అమెరికా ఎన్నికలకు ముందు, సభ ముగిసే చివరి రోజున ఈ బిల్లు ఆమోదం పొందడం విశేషం. యుఎస్ కాంగ్రెస్ ప్రతినిధుల ఆమోదం లభించినందున, ఈ బిల్లు చట్టంగా మారడానికి ప్రెసిడెంట్ ట్రంప్ సంతకం కోసం వెళ్లనుంది.
Also Read:మోదీ@76..ప్రముఖుల విషెస్