భద్రతా పరంగా శుత్రుదుర్భేధ్యం కలిగిన దేశాల్లో అమెరికా మొదటి స్థానం. రెండవ ప్రపంచయుద్దం నాటి నుంచి అమెరికా రక్షణ రంగంలో భారీ స్థాయిలో పెట్టుబడులు పెడుతూ ప్రపంచంలో అగ్రగామి దేశంగా నిలుస్తోంది. తాజాగా అమెరికా ఆరోతరానికి చెందిన బీ-21విమానాలను అమెరికా ఆవిష్కరించింది. ఇప్పటివరకు ఫ్రాన్స్‌కు చెందిన రాఫెల్‌ యుద్ధ విమానాలు అధునాతనమైనవిగా చెప్పవచ్చు. కాగా వాటిని అధిగమించి బీ-21 విమానాలు చేరిపోయాయి. ప్రపంచవ్యాప్తంగా ఈ యుద్ధ విమానాన్ని పట్టుకునే రాడార్‌ తయారుకాలేదంటే అతిశయోక్తి కాదు. అమెరికన్ ఎయిర్‌ఫోర్స్‌లో చేర్చిన వెంటనే దీని స్పెసిఫికేషన్ ప్రపంచవ్యాప్తంగా చర్చనీయాంశమైంది.
కాలిఫోర్నియాలోని పామ్‌డేల్‌ లో జరిగిన ఓ కార్యక్రమంలో వీటిని యూఎస్‌ ఎయిర్‌ఫోర్స్‌ ఫ్లీట్‌లో చేర్చారు. బీ-21 రైడర్ చేరడంతో ఈ రకం యుద్ధ విమానం కలిగిన తొలి దేశంగా అమెరికా చరిత్ర సృష్టించింది. చైనా, జపాన్, రష్యా, బ్రిటన్, ఫ్రాన్స్ దేశౠలు కూడా ఈ రకం టెక్నాలజీని అభివృద్ధి చేయడంపై పనిచేస్తున్నాయి.
బీ-21 రైడర్ పరిధి 9,600 కి.మీ కాగా, దాదాపు 10-టన్నుల పేలోడ్‌ను తీసుకెళ్లే సామర్ధ్యం దీని సొంతం. నార్త్రోప్ గ్రుమ్మన్ కంపెనీ నుంచి బీ-21 రైడర్ విమానాలు ఆరింటిని కొనుగోలు చేసింది. మరో 100 విమానాలను అమెరికా కొనుగోలు చేయనున్నట్లు కంపెనీ తన వెబ్‌సైట్‌లో తెలిపింది. ఇలాంటి విమానాలను అమెరికా కనీసం 200 కొనుగోలు చేయాలని నిపుణులు భావిస్తున్నారు.
ఇవి కూడా చదవండి…
