సివిల్స్ ప‌రీక్ష‌ల్లో అమ్మాయిలు సత్తా చాటారు. టాప్ మూడు ర్యాంక్‌ల‌ను మ‌హిళ‌లే చేజిక్కించుకున్నారు. సివిల్ స‌ర్వీసెస్ 2021 ఫ‌లితాల‌ను సోమవారం యూపీఎస్సీ విడుదల చేసింది. శ్రుతి శ‌ర్మ టాప్ ర్యాంక్ సాధించింది. సివిల్స్‌లో 685 మంది అభ్య‌ర్థులు క్వాలిఫై అయిన‌ట్లు యూపీఎస్సీ వెల్ల‌డించింది. శ్రుతి శ‌ర్మ‌కు ఫ‌స్ట్ ర్యాంక్ రాగా, అంకితా అగ‌ర్వాల్‌, గామిని సింగ్లాల‌కు రెండ‌వ, మూడ‌వ ర్యాంక్‌లు వ‌చ్చాయి.
ఇక ఈ ఫలితాల్లో మన తెలుగు విద్యార్థులు సత్తా చాటారు. ఇందులో యశ్వంత్‌కుమార్‌రెడ్డికి 15వ ర్యాంక్, పూసపాటి సాహిత్యకు 24వ ర్యాంక్, కొప్పిశెట్టి కిరణ్మయికి 56వ ర్యాంక్, సుధీర్‌కుమార్‌రెడ్డికి 69వ ర్యాంక్ వచ్చింది. ఆకునూరి నరేష్‌కు 117వ ర్యాంక్, బి.చైతన్యరెడ్డికి 161వ ర్యాంక్, కమలేశ్వర్‌రావు 297వ ర్యాంక్, నల్లమోతు బాలకృష్ణ 420వ ర్యాంక్ వచ్చింది. ఉప్పులూరి చైతన్యకు 470, మన్యాల అనిరుధ్‌కు 564, బిడ్డి అఖిల్‌కు 566, రంజిత్‌కుమార్‌కు 574, పాండు విల్సన్‌‌కు 602, బాణావత్‌ అరవింద్‌‌కు 623, బచ్చు స్మరణ్‌రాజ్‌‌కు 676వ ర్యాంక్ దక్కింది.
