తెలంగాణ ముఖ్యమంత్రిగా రెండోసారి కేసీఆర్ రెండో సారి బాధ్యతలు చేపట్టిన వెంటనే ఎమ్మెల్యే కేటీఆర్ ను టీఆర్ఎస్ వర్కింగ్ ప్రెసిడెంట్ గా ప్రకటించారు. సీఎం కేసీఆర్ జాతీయ రాజకీయాల్లో క్రియాశీలక పాత్ర పోషించనున్న నేపధ్యంలో పార్టీ పగ్గాలు కేటీఆర్ కు అప్పగించారు. దింతో అప్పటి నుంచి కేటీఆర్ రాష్ట్రవ్యాప్త పర్యటన చేపట్టారు. ఇక ఏప్రిల్ లో సార్వత్రిక ఎన్నికలు సమీపిస్తుండటంతో రాష్ట్రంలో ఎన్నికల వేడి రాజుకుంది. 16 పార్లమెంట్ స్ధానాల విజయమే లక్ష్యంగా పార్లమెంట్ సన్నాహాక సమావేశాలకు శ్రీకారం చుట్టారు వర్కింగ్ ప్రెసిడెంట్ కేటీఆర్.మొదటగా కరీంనగర్ పార్లమెంట్ స్ధానం నుంచే ఈసన్నాహాక సమావేశాలు ప్రారంభంకానున్నాయి.
అయితే ఈవిషయంలో మాత్రం కేటీఆర్ తండ్రి కేసీఆర్ సెంటిమెంట్ నే ఫాలో అవుతున్నాడని చెప్పుకోవాలి. ఉద్యమ కాలం నుంచి కేసీఆర్ ఎ పని చేసినా కరీంనగర్ నుంచే మొదలుపెట్టేవారు. అందుకే కరీంనగర్ టీఆర్ఎస్ కు కంచుకోటగా మారిపోయింది. 16 పార్లమెంటు స్థానాల్లో గెలుపే లక్ష్యంగా పెట్టుకున్న కేటీఆర్.. తండ్రి సెంటిమెంటును గౌరవిస్తూ ఎన్నికల ప్రచారం ప్రారంభించనున్నారు.
