పట్టభద్రుల ఎమ్మెల్సీ ఎన్నికల్లో టీఆర్ఎస్ అభ్యర్థులు ఆధిక్యంలో దూసుకుపోతున్నారు. హైదరాబాద్‌-రంగారెడ్డి-మహబూబ్‌నగర్‌ పట్టభద్రుల స్థానం మొదటి రౌండ్‌ ఓట్ల లెక్కింపు పూర్తయింది. ఇందులో టీఆర్ఎస్ అభ్యర్థి సురభి వాణీదేవికి 17,429, బీజేపీ అభ్యర్థి రామచందర్‌రావుకు 16,385, ప్రొఫెసర్‌ నాగేశ్వర్‌రావుకు 8,357, కాంగ్రెస్‌ అభ్యర్థి చిన్నారెడ్డికి 5,101 ఓట్లు పోలయ్యాయి. టీఆర్ఎస్ అభ్యర్థి వాణీదేవి సమీప బీజేపీ అభ్యర్థిపై 1044 ఓట్ల ఆధిక్యంలో కొనసాగుతున్నారు.
నల్గొండ-వరంగల్-మహబూబ్ నగర్ పట్టభద్రుల ఎమ్మెల్సీల ఓట్ల లెక్కింపు కొనసాగుతోంది. తొలిరౌండ్లో టీఆర్ఎస్ అభ్యర్థి పల్లా రాజేశ్వర్‌రెడ్డికి 16,130 ఓట్లు పోలయ్యాయి. సమీప స్వతంత్య అభ్యర్థిపై పల్లా రాజేశ్వర్‌రెడ్డి 4,084 ఓట్ల ఆధిక్యంలో ఉన్నారు. తొలిరౌండ్లో మొత్తం 56,003 ఓట్లు లెక్కించగా.. ఇందులో 3,151 ఓట్లు చెల్లకుండా పోయాయి.
