ప్రస్తుతం టాలీవుడ్‌లో రీరిలీజ్‌ల ట్రెండ్ నడుస్తున్న సంగతి తెలిసిందే. స్టార్ హీరోల బర్త్ డే రోజు వారి బ్లాక్ బస్టర్ మూవీలు థియేటర్‌లలో రీరిలీజ్ అవుతున్నాయి. మొత్తానికి టాలీవుడ్ లో రీరిలీజ్ ట్రెండ్ జోరుగా నడుస్తోంది. ముఖ్యంగా స్టార్ హీరోల చిత్రాలను 4K టెక్నాలజీతో రీరిలీజ్ చేసి అభిమానులను అలరిస్తూ.. నిర్మాతలు లాభాలను దండుకుంటున్నారు. ఇప్పటికే సూపర్ స్టార్ కృష్ణ జయంతి సందర్భంగా మోసగాళ్లకు మోసగాడు సినిమా రీ రిలీజ్ చేసిన విషయం తెలిసిందే.
ఈ చిత్రానికి తొలి రోజు దాదాపుగా రూ.40లక్షల గ్రాస్ వసూళ్లు వచ్చాయంట. గుంటూరు కారం టీజర్ తో అటాచ్ చేయడంతో మహేశ్ అభిమానులు ఆదరించారని టాక్. హైదరాబాద్ సిటీ‌లో వచ్చిన గ్రాస్ రీసెంట్‌గా థియేటర్ లో విడుదలైన సింహాద్రి రెండింతలు ఎక్కువ ఉన్నాయని ట్రేడ్ వర్గాలు అంటోన్నాయి. ఇక సూపర్‌స్టార్ మహేశ్ బాబు హీరోగా నటించిన యాక్షన్ ఎంటర్టైనర్ ‘బిజినెస్‌మేన్’ కూడా రీరిలీజ్‌కు సిద్ధమైంది. మహేష్‌బాబు బర్త్‌డే సందర్భంగా ఆగష్టు 9న ఈ సినిమాను గ్రాండ్‌గా రీరిలీజ్ చేయనున్నారు.
Also Read: పెద కాపు-1: ఫస్ట్ లుక్ విడుదల
అలాగే నటసింహం బాలకృష్ణ ఆల్ టైమ్ సూపర్ హిట్ మూవీ నరసింహనాయుడును జూన్10న ఆయన పుట్టిన రోజు సందర్భంగా రీరిలీజ్ చేస్తున్నారు. ఈమూవీ రీరిలీజ్ ద్వారా వచ్చే కలెక్షన్స్ ను అభిమానులు సామాజికసేవా కార్యక్రమాలకు వెచ్చించనున్నారు. మొత్తానికి రీరిలీజ్ లతో బాక్సాఫీస్ సందడి గా మారింది.
Also Read: మహేష్ కు డ్యామేజ్ తప్పదా ?
