కొత్త ఆలోచనలు, కొత్త ప్రణాళికలతో కొత్త ఏడాదికి టాలీవుడ్ ఘనంగా స్వాగతం పలికింది. ఫస్ట్‌లుక్‌లు, టీజర్‌లతో కొంతమంది అలరిస్తే మరికొంతమంది సరికొత్త లుక్‌లతో న్యూఇయర్‌కు ఘనంగా స్వాగతం పలికారు.
వరుణ్‌ తేజ్‌, రాశీ ఖన్నా జంటగా నటిస్తున్న చిత్రం ‘తొలిప్రేమ’. ఈ సినిమాలో వరుణ్‌, రాశీ జంటగా ఉన్న తొలి లుక్‌ను న్యూఇయర్‌ సందర్భంగా చిత్రబృందం ఈరోజు విడుదల చేసింది. ఫిబ్రవరి 9న ఈ సినిమాను ప్రేక్షకుల ముందుకు రానుంది. బాలకృష్ణ-కేఎస్ రవికుమార్ దర్శకత్వంలో తెరకెక్కిన సినిమా జై సింహా. ఇటీవలె షూటింగ్ పూర్తిచేసుకున్న ఈ సినిమా సంక్రాంతికి ప్రేక్షకుల ముందుకురానుంది. న్యూఇయర్‌ విషెస్ చెబుతు బాలయ్య ఫ్యాన్స్‌కి సర్‌ ప్రైజ్ ఇచ్చారు.
‘స్వీటీ’ అనుష్క టైటిల్‌ పాత్రలో నటిస్తున్న చిత్రం ‘భాగమతి’. అశోక్‌ ఈ సినిమాకు దర్శకత్వం వహిస్తున్నారు. తాజాగా న్యూఇయర్‌ను పురస్కరించుకుని సినిమాకు సంబంధించిన మరో ప్రత్యేక పోస్టర్‌ను చిత్రబృందం సోషల్‌మీడియా ద్వారా అభిమానులతో పంచుకుంది. పోస్టర్‌లో అనుష్క ఓపక్కకు చూస్తున్నట్లు కన్పించారు.
ప్రముఖ నటుడు మోహన్‌బాబు ప్రధాన పాత్రలో నటిస్తున్న చిత్రం ‘గాయత్రి’. ఆ రోజుల్లో రాముడు చేసింది తప్పే అయితే నేను చేసింది కూడా తప్పే’ అనే క్యాప్షన్‌తో మోహన్ బాబు లుక్ అందరిని ఆకట్టుకోగా తాజాగా న్యూఇయర్‌ ట్రీట్‌తో ముందుకువచ్చారు.
