టాలీవుడ్కు చెందిన ప్రముఖ నటి జయవాహిని కన్నుమూయడం సినీ, టెలివిజన్ రంగాలను తీవ్రంగా కలచివేసింది. ఒకప్పుడు సినిమాలు, సీరియల్స్లో పలు కీలక పాత్రలు పోషించి ప్రేక్షకుల మనసుల్లో ప్రత్యేక స్థానం సంపాదించిన జయవాహిని, హైదరాబాద్లోని మణికొండ ప్రాంతంలో ఉన్న తన నివాసంలో తుదిశ్వాస విడిచారు.
కొంతకాలంగా క్యాన్సర్తో పోరాడుతున్న ఆమె ఆరోగ్యం ఇటీవల మరింత క్షీణించడంతో పరిస్థితి విషమించి మృతి చెందినట్లు కుటుంబ సభ్యులు తెలిపారు. తన సహజ నటన, భావోద్వేగాలను ప్రతిబింబించే పాత్రలతో ప్రేక్షకులను ఆకట్టుకున్న జయవాహిని తెలుగు సినీ, టీవీ పరిశ్రమలో గుర్తుండిపోయే పేరు సంపాదించారు. చిన్నతరహా అయినా ప్రభావవంతమైన పాత్రల ద్వారా ఆమె తన ప్రత్యేకతను చాటుకున్నారు.
ఆమె మరణ వార్త తెలిసిన వెంటనే పలువురు సినీ ప్రముఖులు, అభిమానులు తీవ్ర సంతాపం వ్యక్తం చేస్తున్నారు. జయవాహిని ఆత్మకు శాంతి చేకూరాలని ప్రార్థిస్తూ, ఆమె కుటుంబ సభ్యులకు ప్రగాఢ సానుభూతిని తెలియజేస్తున్నారు.
Also Read:‘ధురంధర్’2లో యామీ గౌతమ్!