మాస్ మహారాజా రవితేజ వరుస సినిమాలతో దూసుకుపోతున్నారు. ఇప్పటికే ‘రావణాసుర’ సినిమా అప్డేట్స్‌తో రవితేజ సందడి చేస్తున్నారు. తాజాగా ‘టైగర్ నాగేశ్వరరావు’ సినిమా రిలీజ్ డేట్‌ను చిత్రయూనిట్ ప్రకటించింది. ‘‘ఈ ఏడాది మనందరికీ చాలా ప్రత్యేకమైనది. అక్టోబర్ 20న ‘టైగర్ నాగేశ్వరరావు’ రిలీజ్ అవుతుంది’’ అని రవితేజ ట్వీట్ చేశారు. ‘రావణాసుర’ ఏప్రిల్ 7న రిలీజ్ కానుంది. ఇప్పటికే, రావణాసుర పై మంచి అంచనాలు ఉన్నాయి. ఇప్పుడు అక్టోబర్ 20న రాబోతున్న ‘టైగర్ నాగేశ్వరరావు’ పై కూడా బజ్ క్రియేట్ అయ్యేలా ఉంది.
వంశీ దర్శకత్వంలో రూపొందుతున్న ఈ ప్రతిష్టాత్మక పాన్ ఇండియా చిత్రం కశ్మీర్ ఫైల్స్, కార్తికేయ 2 వంటి రెండు బ్యాక్-టు-బ్యాక్ బ్లాక్‌ బస్టర్‌ లను అందించిన నిర్మాత అభిషేక్ అగర్వాల్ నిర్మాణంలో వస్తోంది. అత్యున్నత నిర్మాణ విలువలు, సాంకేతిక ప్రమాణాలతో భారీ బడ్జెట్ తో ఆయన ఈ చిత్రాన్ని రూపొందిస్తున్నారు. పైగా ఈ సినిమా కోసం 5 ఎకరాల స్థలంలో స్టువర్టుపురం గ్రామాన్ని రిక్రియేట్ చేశారు అంటేనే.. ఈ సినిమాకి అభిషేక్ అగర్వాల్ ఎంతగా భారీ బడ్జెట్ ను కేటాయించారో అర్ధం అవుతుంది.
మరి, రవితేజ పై అంత బడ్జెట్ వర్కౌట్ అవుతుందా ?. దసరా నుంచి టైగర్ నాగేశ్వరరావు బాక్సాఫీస్ వేట ప్రారంభమవుతుంది కాబట్టి.. కలెక్షన్స్ భారీగా వచ్చే అవకాశం ఉంది. ఎందుకంటే.. టాలీవుడ్ కి దసరా బిగ్గెస్ట్ సీజన్. ఇక ఈ సినిమాలో రవితేజ సరసన నూపుర్ సనన్, గాయత్రి భరద్వాజ్ హీరోయిన్లుగా నటిస్తున్నారు. ఈ చిత్రానికి జివి ప్రకాష్ కుమార్ సంగీతం అందిస్తున్నారు. టైగర్ నాగేశ్వరరావు 1970 ల నేపథ్యంలో స్టూవర్టుపురంలోని గజదొంగ. అతని జీవిత చరిత్ర ఆధారంగా ఈ సినిమా రాబోతుంది.
ఇవి కూడా చదవండి…
