మారుతి దర్శకత్వంలో పాన్-ఇండియా స్టార్ ప్రభాస్ హీరోగా తెరకెక్కుతున్న చిత్రం ‘ది రాజా సాబ్’. ఈ రొమాంటిక్ హారర్–కామెడీ సినిమా 2026 జనవరి 9న భారీ స్థాయిలో విడుదల కానుంది. ఇప్పటికే ఈ సినిమాకు సంబంధించిన థియేట్రికల్ ట్రైలర్ను మేకర్స్ కొన్ని నెలల క్రితమే విడుదల చేశారు.
ఇప్పుడు మరో ట్రైలర్ ప్రేక్షకుల ముందుకు రానున్నట్లు సమాచారం. తాజా ప్రచారం ప్రకారం, రిలీజ్ ట్రైలర్ను సినిమా ప్రీ-రిలీజ్ ఈవెంట్లో ఆవిష్కరించే అవకాశం ఉంది. ఈ కార్యక్రమం డిసెంబర్ 27న జరగనుందని, హైదరాబాద్ వేదికగా ఈ ఈవెంట్ నిర్వహించనున్నట్లు తెలుస్తోంది.
ఈ చిత్రంలో మాళవిక మోహనన్, నిధీ అగర్వాల్, రిద్ధి కుమార్ హీరోయిన్లుగా నటిస్తున్నారు. ప్రభాస్ సరసన వీరి పాత్రలు ప్రత్యేక ఆకర్షణగా నిలవనున్నాయని మేకర్స్ చెబుతున్నారు.టీజీ విశ్వ ప్రసాద్, కృతి ప్రసాద్లు పీపుల్ మీడియా ఫ్యాక్టరీ బ్యానర్పై ఈ చిత్రాన్ని నిర్మిస్తున్నారు. సంగీతాన్ని ఎస్.ఎస్. థమన్ అందిస్తున్నారు. అలాగే సంజయ్ దత్, బోమన్ ఇరానీ, జరినా వాహబ్, సముద్రఖని, వీటీవీ గణేష్ కీలక సహాయక పాత్రల్లో కనిపించనున్నారు.
ఈ సినిమా ఇప్పటికే అభిమానుల్లో భారీ అంచనాలు పెంచగా, రెండో ట్రైలర్ విడుదలైతే హైప్ మరింత పెరిగే అవకాశం ఉంది.
Also Read:UAEలో కుండపోత వర్షాలు