తెలుగు మూవీ డబ్బింగ్ ఆర్టిస్ట్ యూనియన్ ( టి ఎమ్ డి ఎ యు) 25సంవత్సరాల రజతోత్సవ ఉత్సవాలు అన్నపూర్ణ స్టూడియోలో అతిరధ మహారధుల సమక్షంలో అంగరంగవైభవంగా జరిగాయి. చెన్నై నుంచి హైదరాబాద్ కు చిత్ర పరిశ్రమను తీసుకురావడంలో కృషిచేసిన ఎందరో మహానుభావులను గుర్తు చేసుకుంటూ డబ్బింగ్ లతో ఎంతో మంది ఆర్టిస్టులకు ప్రాణ ప్రతిష్ట చేసిన సీనియర్ డబ్బింగ్ కళాకారులకు అవార్డులు అందజేసి వారిని సత్కరించారు .
* ముఖ్యంగా ఎల్. వి .ప్రసాద్ లైఫ్ టైం ఎచీవ్ మెంట్ అవార్డును రమేష్ ప్రసాద్ చేతుల మీదుగా డా. రాజేంద్రప్రసాద్ కి , శ్రీ బాలసుబ్రమణ్యంకి అందజేశారు .
* ఎన్టీఆర్ లైఫ్ టైం ఎచీవ్ మెంట్ అవార్డును కళ్యాణ్ రామ్ చేతుల మీదుగా సరితకు అందజేశారు .
* ఏఎన్ఆర్ లైఫ్ టైం ఎచీవ్ మెంట్ అవార్డును శేఖర్ కమ్ముల , నవదీప్ చేతుల మీదుగా జయ భాస్కర్ , రమణా రెడ్డికి అందజేశారు .
* డి . రామానాయుడు లైఫ్ టైం ఎచీవ్ మెంట్ అవార్డును సురేష్ బాబు చేతుల మీదుగా రోజా రమణికి అందజేశారు .
* అల్లు రామలింగయ్య లైఫ్ టైం ఎచీవ్ మెంట్ అవార్డును సి . కళ్యాణ్ చేతుల మీదుగా రవిశంకర్ , సునీత కి అందజేశారు .
* ఎమ్.ఎస్.రెడ్డి లైఫ్ టైం ఎచీవ్ మెంట్ అవార్డును శ్యాం ప్రసాద్ రెడ్డి గారి చేతుల మీదుగా శిల్పగారికి అందజేశారు.
* వి . బి.రాజేంద్ర ప్రసాద్ లైఫ్ టైం ఎచీవ్ మెంట్ అవార్డును నాని , కళ్యాణ్ రామ్ చేతుల మీదుగా ఘంటశాల రత్నకుమార్ కి అందజేశారు .
* డా .దాసరి నారాయణ రావు లైఫ్ టైం ఎచీవ్ మెంట్ అవార్డును విష్ణు , నరేష్ చేతుల మీదుగా వాయు పుత్ర నాగార్జున , శ్రీనివాస మూర్తికి అందజేశారు .
* శ్రీ శ్రీ , ఆరుద్ర గార్ల లైఫ్ టైం ఎచీవ్ మెంట్ అవార్డును శ్రీను వైట్ల , గౌతం రాజులు (ఎడిటర్) వెన్నలకంటి , రామకృష్ణ గార్లకు అందజేశారు .
సూపర్ స్టార్ మహేష్ బాబు గారి రాకతో 25 వసంతాల డబ్బింగ్ యూనియన్ పండుగ వాతావరణంలో కనుల పండుగగా అంగరంగ వైభవంగా జరిగింది . ఈ సందర్భంగా డా. రాజేంద్ర ప్రసాద్ మాట్లాడుతూ నేను హీరో అవ్వడానికి కారణం డబ్బింగ్, నాకు ఫుడ్ పెట్టింది డబ్బింగ్, డబ్బింగ్ లేకపోతే ఈ రాజేంద్ర ప్రసాద్ లేదన్నారు.
ఈ కార్యక్రమానికి సూపర్ స్టార్ మహేష్ బాబు, నాచురల్ స్టార్ నాని, కళ్యాణ్ రామ్, మంచు విష్ణు, నరేష్, శ్రీకాంత్, నవదీప్, తరుణ్, రాజేంద్ర ప్రసాద్, మా ప్రెసిడెంట్ శివాజీ రాజా, దర్శకులు వంశీ పైడిపల్లి, శేఖర్ కమ్ముల, రాం ప్రసాద్, బాబీ(ఫెడరేషన్ సెక్రెటరి ), అంభి రాజు, బ్రహ్మజీ, రాజీవ్ కనకాల, సుబ్బరాజు, ప్రభాస్ శ్రీను, కారుమంచి రఘు, సింహ, మల్కాపురం శివ, ముప్పలనేని శివ, రవి కుమార్ చౌదరి, రోహిణి, అలీ, రవి శంకర్, కాశీ విశ్వనాథ్, సునీత, సరిత, రోజా రమణి ఎందరో అతిరథులు పాల్గొన్నారు.
