24న ఇంటర్ ఫలితాలు..

తెలంగాణ ఇంటర్ ,పదో తరగతి పరీక్ష ఫలితాలు తేదీ ఖరారైంది. వారం రోజుల వ్యవధిలో రెండు పరీక్షల ఫలితాలు విడుదల కానున్నాయి. ఏప్రిల్ 24న ఇంటర్ ఫలితాలు రిలీజ్ కానున్నాయి.ఇంటర్మీడియట్ విద్యార్ధులు ఫలితాలను అధికారిక వెబ్‌సైట్ tsbie.cgg.gov.inలో చెక్ చేసుకోవచ్చు. విద్యార్ధులు తమ హాల్ టికెట్ నెంబర్, పుట్టిన తేదీ ఎంటర్ చేసి తెలుసుకోవచ్చు.

తెలంగాణలో ఇంటర్ పరీక్షలు ఫిబ్రవరి 28 నుంచి మార్చ్ 18 వరకూ జరిగాయి. మొత్తం 9.80 లక్షలమంది విద్యార్ధులు ఇంటర్ మొదటి, ద్వితీయ సంవత్సరం పరీక్షలు రాశారు. మార్చ్ 16న ప్రారంభమైన పరీక్ష పత్రాల మూల్యాంకనం ఇతర ప్రక్రియలు ఏప్రిల్ మొదటి వారంలో ముగిశాయి.