కరోనా పై సర్కార్ హై అలెర్ట్ అయింది. మహారాష్ట్ర లో కరోన కేసులు ఎక్కువగా ఉన్న నేపథ్యంలో మహారాష్ట్ర నుండి తెలంగాణ కి వచ్చే రూట్లలో చెక్ పోస్ట్ లు ఏర్పాటుచేశామి తెలిపారు మంత్రి ఈటల రాజేందర్. ధర్మబాద్, బోరజ్, జహారాబాద్, సిర్పూర్ కాగజ్ నగర్ శివారు లలో చెక్ పోస్ట్ లు ఏర్పాటుచేసినట్లు వెల్లడించారు.
ఇక ముందస్తు చర్యల్లో భాగంగా గచ్చిబౌలి స్టేడియంను కరోనా క్వారంటైన్ (ఏకాంత) కేంద్రంగా మార్చేందుకు ఏర్పాట్లు చేస్తోంది. స్టేడియంలోని అథ్లెటిక్ క్రీడా ప్రాంగణంలో ఉన్న పరిపాలన విభాగంతో పాటు అందుబాటులో ఉన్న గదులను అధీనంలోకి తీసుకుని వైరస్ నివారణ వార్డుల కింద తీర్చిదిద్దేందుకు ఏర్పాట్లు చేస్తోంది.
శేరిలింగంపల్లి సర్కిల్ 11 పారిశుద్ధ్య విభాగం సిబ్బంది స్టేడియంలో పారిశుద్ధ్య పనులు చేపట్టారు. రెండు రోజుల్లో పూర్తి స్థాయిలో గచ్చిబౌలి స్టేడియంను క్వారంటైన్ కేంద్రంగా మార్చేయబోతున్నారు.
