ఒడిశా సీఎంతో సమావేశమైన సీఎం కేసీఆర్‌..

కాంగ్రెస్, బీజేపీయేతర ఫ్రంట్ ఏర్పాటుకు సీఎం కేసీఆర్ నేతృత్వంలో అడుగులు వేగంగా పడుతున్నాయి. జాతీయ స్థాయి పర్యటనలో భాగంగా ఒడిశా వెళ్లిన సీఎం కేసీఆర్.. ఆ రాష్ట్ర ముఖ్యమంత్రి నవీన్ పట్నాయక్‌తో సమావేశమయ్యారు. ఈసందర్భంగా వాళ్లిరువురు ఫెడరల్ ఫ్రంట్ గురించి చర్చించారు. అంతకుముందు తన నివాసానికి వచ్చిన సీఎం కేసీఆర్‌కు.. నవీన్ పట్నాయక్ సాదరంగా ఆహ్వానం పలికారు. కేసీఆర్‌ ఈ రోజు రాత్రి ఇక్కడే బస చేస్తారు.

24వ తేది ఉదయం కోణార్క్ సూర్య దేవాలయం, పూరి జగన్నాథ ఆలయాన్ని సందర్శిస్తారు. పూజల అనంతరం భువనేశ్వర్ చేరుకుని మధ్యాహ్నం అక్కడే భోజనం చేస్తారు. తర్వాత అక్కడి నుంచి కోల్‌కతా వెళ్తారు. 24న సాయంత్రం 4 గంటలకు పశ్చిమబెంగాల్ సీఎం మమతాబెనర్జీతో సమావేశమవుతారు.