తెలంగాణకు రెండు అవార్డులు

తెలంగాణ రాష్ట్రానికి మరోసారి అరుదైన గుర్తింపు వచ్చింది. ఢిల్లీలో ప్రముఖ మీడియా సంస్థ ఇండియా టుడే నిర్వహించిన స్టేట్‌ ఆఫ్‌ ది స్టేట్స్‌-2017 కార్యక్రమంలో తెలంగాణకు రెండు కేటగిరీల్లో అవార్డులు వచ్చాయి. ఆర్థిక వ్యవస్థ పురోగతి, పర్యావరణ, స్వచ్ఛత విభాగాల్లో తెలంగాణకు అవార్డులు లభించాయి.

కేంద్రమంత్రి నితిన్ గడ్కరీ చేతుల మీదుగా మంత్రులు కేటీఆర్, జోగురామన్న అవార్డులను అందుకున్నారు. ఈ అవార్డులు రావడం తనకెంతో సంతోషంగా ఉందన్నారు మంత్రి కేటీఆర్. ఇండియా టుడే నిర్వహించిన ఈ కార్యక్రమంలో హర్యానా, హిమాచల్ ప్రదేశ్, కేరళ, పుదుచ్చేరి రాష్ట్రాల సీఎంలతో పాటు ఢిల్లీలో రాష్ట్ర ప్రభుత్వ ప్రత్యేక ప్రతినిధి రామచంద్రు తేజావత్‌ పాల్గొన్నారు.