ఏటీఎం నుండి నోట్ల వర్షం..

హైదరబాద్ పాతబస్తీలో ఏటీఎం నుండి నోట్ల వర్షం కురిసింది. సాంకేతిక లోపం తలెత్తడంతో రూ. 500 డ్రా చేస్తే రూ. 2500 వచ్చాయి. ఇంకేముంది ఇది తెలుసుకున్న జనాలు ఏటీఎం వద్దకు పరుగులు తీశారు.

తమకు కావాల్సిన డబ్బును డ్రా చేసుకుని కొంతమంది వెళ్లిపోయారు. అయితే ఏటీఎంకు జనాలు ఎగబడటం చూసి అనుమానం వచ్చిన సిబ్బంది బ్యాంకు అధికారులకు సమాచారం అందించగా వారు వెంటనే రంగంలోకి దిగి ఏటీఎం సెంటర్‌కు తాళం వేశారు.

దీంతో అప్పటిదాకా క్యూ లైన్లో నిల్చున్న వారంతా తమకు డబ్బులు దొరకక పోవడంతో నిరాశగా వెనుదిరిగారు. గతంలో పలు ఏటీఎంలలో ఇలాంటి సంఘటనలే చోటు చేసుకున్నాయి. ఇక ఇదంతా జరిగింది మొహల్‌పురాలోని ఇష్రత్ మహల్‌లో ఉన్న హెచ్‌డీఎఫ్‌సీ ఏటీఎంలో.

ఇవి కూడా చదవండి..