భారత్ 191 ఆలౌట్‌.. మెరుపు ఇన్నింగ్స్ ఆడిన శార్దూల్..

టీమిండియా, ఇంగ్లండ్ మ‌ధ్య జ‌రుగుతున్న నాలుగో టెస్ట్ మ్యాచ్ తొలి ఇన్నింగ్స్‌లో భార‌త్ బ్యాటింగ్ ముగిసింది. టాస్ గెలిచిన ఇంగ్లండ్‌.. బౌలింగ్ ఎంచుకోగా.. బ్యాటింగ్‌కు దిగిన టీమిండియా.. 191 ప‌రుగులు చేసి ఆలౌట్ అయింది. ఆల్ రౌండర్‌గా గుర్తింపు తెచ్చుకుంటున్న శార్దూల్ ఠాకూర్ ఈ మ్యాచ్‌లో మెరుపు ఇన్నింగ్స్ ఆడాడు. ఠాకూర్ 36 బంతుల్లో 7 ఫోర్లు, 3 భారీ సిక్సర్లతో 57 పరుగులు చేశాడు. ప్రధాన బ్యాట్స్ మెన్ విఫలమైన చోట ఠాకూర్ ఇంగ్లండ్ బౌలర్లను దూకుడుగా ఎదుర్కొన్నాడు.

ఇంగ్లండ్ బౌలర్లలో క్రిస్ వోక్స్ 4, ఓల్లీ రాబిన్సన్ 3 వికెట్లు తీశారు.అంతకుముందు కెప్టెన్ కోహ్లీ 50 పరుగులు, రోహిత్ శ‌ర్మ 11 ప‌రుగులు, కేఎల్ రాహుల్ 17 ప‌రుగులు, జ‌డెజా 10, ర‌హ‌నే 14, పంత్ 9, ఉమేశ్ 10 ప‌రుగులు చేశారు.