తాప్సీ తన నిజజీవితంలోని మరో కోణాన్ని వెల్లడించింది. యుక్త వయసులో తాప్సీ లైంగిక వేధింపులకు గురయ్యిందట.ఈ బ్యూటీ హిందీలో బిగ్‌బీ అమితాబ్‌తో నటించిన పింక్ చిత్రం ఇటీవలే తెరపైకి వచ్చింది. అందులో తాప్సీ అత్యాచారానికి గురైన అమ్మాయిగా నటించింది.అయితే తాజాగా ఈ పాత్రకు, తన నిజ జీవితానికి చాలా పోలికలు ఉన్నట్టు తాప్సీ చెప్పింది.
ఢిల్లీ పెరిగిన తాప్సీ.. యుక్తవయసులో ఉన్నప్పుడు కొందరు ఆకతాయిల నుంచి చాలా ఇబ్బందులు ఎదుర్కొందట. ఒంటిపై చేతులు వేస్తూ ఆమెపై అసభ్యంగా ప్రవర్తించారట. లైంగిక వేధింపులకు తాప్సీ ఫేస్ చేసిందట. డబుల్ మీనింగ్ డైలాగ్ లు, అదో రకంగా చేసే చూపులతో నిత్యం నరకయాతన పడ్డానటోంది తాప్సీ. అందుకే తాప్సీని ఎక్కువగా తిరగొద్దు, మోడ్రన్ దుస్తులు ధరించొద్దని ఇంట్లో వాళ్లు హితవు చెప్పేవారట. అయితే అప్పట్లో లైంగిక వేధింపులను ఎదిరించకపోవడం తాను చేసిన తప్పు అంటోంది ఈ భామ. అయితే తాప్సీ ఇప్పుడు సడన్ గా వీటిని బహిర్గతం చేయడంలోని ఆంతర్యం ఏమిటనేది తెలియడంలేదు. కొందరైతే.. సినిమా ప్రమోషన్ కోసమే తాప్సీ ఈ విషయాలను బయటపెట్టిందని చెవులు కొరుక్కుంటున్నారు.
