ప్రస్తుతం వెబ్ సిరీస్‌ల హవా నడుస్తోంది. అమెజాన్ ప్రైమ్ వీడియో, నెట్ ఫ్లిక్స్, హాట్‌స్టార్, జీ5 వంటి ఆన్‌లైన్ స్ట్రీమింగ్ ఫ్లాట్‌ఫాంలు వెబ్ సిరీస్‌లను నిర్మిస్తుండటంతో టాలీవుడ్,బాలీవుడ్‌కు చెందిన స్టార్లు ముందుకొస్తున్నారు. దీంతో ఇప్పటివరకు తమ అందచందాలతో వెండితెరపై అలరించిన హీరోయిన్లు ట్రెండ్‌కి తగ్గట్లుగా వెబ్ సిరీస్‌లో నటించేందుకు ఆసక్తిచూపిస్తున్నారు.
తాజాగా మిల్కీ బ్యూటీ తమన్నా కూడా వెబ్ సిరీస్‌లో నటించేందుకు సిద్ధమవుతోంది. హాట్ స్టార్‌తో వెబ్ సిరీస్ చేసేందుకు సంతకాలు కూడా చేసింది తమ్మూ. ఈ వెబ్ సిరీస్‌కి ‘ద నవంబర్ స్టోరీ’ అనే టైటిల్‌ని ఖరారు చేశారు.
ఈ వెబ్ సిరీస్‌కు రామ్ సుబ్రమణియన్‌ దర్శకత్వం వహించనుండగా లేడి ఓరియెంటెడ్ మూవీ కాన్సెప్ట్‌తో తెరకెక్కనుంది. రీసెంట్‌గా సైరాతో హిట్ కొట్టిన తమన్నా తర్వాత ఏ సినిమాకు గ్రీన్ సిగ్నల్ ఇవ్వలేదు. తాజాగా తమన్నా వెబ్ సిరీస్‌తో వస్తుండటంతో ప్రాధాన్యత సంతరించుకుంది.
ఇప్పటికే బాలీవుడ్‌కు చెందిన రాధిక ఆప్టే,కియారా అద్వానీ,త్రిదా చౌదరి,దియా మీర్జా వెబ్ సిరీస్‌లలో నటించి మెప్పించారు. ఇక టాలీవుడ్‌కు చెందిన కాజల్,సమంత,నిహారిక కొణిదెల,తేజస్వి,రష్మితో పాటు అనేక మంది హీరోయిన్లు వెబ్ సిరీస్‌లో నటిస్తున్నారు.
Tamannaah has also joined the bandwagon of acting in a web series. Samantha has just begun shooting for ‘The Family Man Season 2’
