హిందీలో విజయవంతమైన క్వీన్ చిత్రాన్ని దక్షిణాది నాలుగు భాషల్లో ఒకేసారి రీమేక్‌ చేస్తున్న సంగతి తెలిసిందే. వేర్వేరు భాషల్లో నలుగురు హీరోయిన్లు నటిస్తున్నారు. తమిళంలో కాజల్‌ అగర్వాల్‌ కథానాయికగా నటిస్తోంది. తెలుగు రీమేక్‌లో తమన్నా కథానాయికగా నటిస్తుండగా…ఈ చిత్రానికి దటీజ్ మహాలక్ష్మి అనే టైటిల్‌ను ఖరారు చేశారు. మెడియంటి ఫిలిమ్స్‌ ఇంటర్నేషనల్‌ ప్రై.లిమిటెడ్‌ పతాకంపై రూపొందుతున్న ఈ చిత్రం షూటింగ్ పూర్తి అయింది. ప్రస్తుతం పోస్ట్ ప్రొడక్ష‌న్ కార్య‌క్ర‌మాలు జ‌రుపుకుంటున్న‌ది.
ఈ నేప‌థ్యంలో ఈరోజు దటీజ్ మహాలక్ష్మి మూవీ ఫస్ట్ లుక్ ను చిత్ర యూనిట్ విడుద‌ల చేసింది. నాలుగు భాషల్లో నలుగురు క్వీన్ భామ‌ల ఫస్ట్ లుక్స్ విడుద‌ల చేయడంతో నెట్టింట్లో నలుగురు ముద్దుగుమ్మల ఫోటోలు అభిమానుల‌ని ఆక‌ట్టుకుంటున్నాయి. నార్త్‌లో మంచి హిట్ కొట్టిన ఈ చిత్రం సౌత్‌లోని అన్ని భాష‌ల‌లోను సూప‌ర్ డూప‌ర్ విజ‌యం సాధించ‌డం ఖాయం అంటున్నారు. లంగా వోణీలో ఉన్న తమన్నా పారిస్‌లోని ఐఫిల్‌ టవర్‌ ముందు డాన్స్‌ చేస్తున్నట్టుగా ఉన్న ఈ ఫస్ట్‌లుక్‌ పోస్టర్‌ సినిమా మీద అంచనాలను పెంచేస్తోంది.
