మెగాస్టార్ చిరంజీవి నటిస్తున్న సైరా చిత్రం దాదాపు 150 కోట్ల భారీ బడ్జెట్ తో రూపొందుతోంది. మెగాస్టార్ చిరంజీవి నటిస్తున్న ఈ చిత్రం ప్రతిష్టాత్మకంగా తెరకెక్కుతోంది. రాంచరణ్ ఈ చిత్రాన్ని నిర్మిస్తుండగా, స్టైలిష్ చిత్రాల దర్శకుడు సురేందర్ రెడ్డి ఈ చిత్రాన్ని తెరకెక్కిస్తున్నారు. పలు చిత్ర పరిశ్రమల నుంచి ప్రముఖ నటులంతా ఈ చిత్రంలో నటిస్తున్న సంగతి తెలిసిందే.
అయితే చారిత్రక నేపథ్యంతో కూడిన సినిమా కావడం వలన .. వివిధ భాషల్లో విడుదల చేయాలనే ఆలోచన ఉండటం వలన, నటీనటుల ఎంపిక విషయంలో ఎంతో శ్రద్ధ తీసుకుంటూ వస్తున్నారు. ఈ సినిమాలో కథానాయికగా నయనతార నటిస్తుండగా, ఒక కీలకమైన పాత్ర కోసం తమన్నాను తీసుకున్నారు.
ఈ సినిమాలో ఆమె ‘నరసింహా రెడ్డి’ కోసం ప్రాణత్యాగం చేసే వీరనారిగా కనిపించనుందనే ప్రచారం జరిగింది. ఈ సినిమా కోసం కొంతకాలంగా ఆమె ‘భరత నాట్యం’ నేర్చుకుంటోందనేది తాజా సమాచారం. ఒక వైపున ‘వీరనారి’ అనే ప్రచారం .. మరో వైపున ‘భరతనాట్యం’ నేర్చుకుంటోందనే వార్త .. దాంతో ఆమె పాత్ర విషయంలో మరింత ఆసక్తి పెరుగుతోంది. కథలో ఆమె పాత్ర .. ఆ పాత్ర చూపించే ప్రభావం ఎలా ఉండనుందనే విషయం గురించే ఫిల్మ్ నగర్‌లో హాట్‌ టాపిక్‌ మారింది. మొత్తానికి ‘సైరా’లో ఈ మిల్కీబ్యూటీ కొత్తగా కనిపించనుందని తెలుస్తోంది.
